Пужъятэм но суредам дунне

Удмурт Дунне
By Удмурт Дунне 19 апреля, 2013 13:34

Пужъятэм но суредам дунне

"Музей но нылпиос" адӟытонын

«Музей но нылпиос» адӟытонын

Шаркан ёросысь Мувыр шор ёзо школаямы ортчиз «Музей но нылпиос» адӟытон арня. Нылпиос понна со бадӟым шумпотон вал.

Пичи классъёсысен бадӟым классозь ваньмыз пыриськизы отчы. Нылпи садысь покчиос но палэнэ ӧз кыле, кылбуръёс веразы, кырӟазы. Дышетскисьёс научно-практической конференциын гурт улосысьтымы дано адямиос сярысь презентация лэсьтӥзы. Сизьыметӥ классозь нылпиос понна радъямын вал шудон, суредаськон, кырӟан, эктон ужрадъёс. Арнямы туж шулдыр ортчиз.

Музеймы узыр вал песянайёсмылэн ужъёсынызы. Пыриськод но мукет дуннее вуиськод кадь. Син азе йӧто керттэм, пужъятэм ковёръёс, картинаос, кышетъёс, ӵушконъёс но трос мукет киужъёс. Ӝӧк вылын пуко смешарикъёс. Соос туж тыршыса керттэмын, мультфильмысь геройёслы тужгес шумпотӥзы нылпи садысь пиналъёс — нимын-нимын ваньзэсты тодо.

Тани кытысь ке сяська зын лыктӥз, музеямы гужем вуиз кадь. Учкисько но — горшокын дыдыксин сяськаос. Малпасько вал, соос улэпесь, ӧй чида, йӧтски. Курико венен керттэмын вылэм.

Смешарикъёс бордын венен бышкаса лэсьтэм суредъёс сыло. Одӥгез — мудор выллем, нош мукетаз вазаын сяськаос пужъятэмын. Вань та смешарикъёсты, сяськаосты но суредъёсты лэсьтӥз Ольга Варламова. Ольга Степановналэн семьяез но туж кибашлы: анаез но, выныз но туж чебер суредасько.

Музейлэн одӥгаз сэрегаз Августа Кондратьевалэн ужъёсыз. Августа Григорьевна тэк уг пукы гуртаз, керттӥське но пужъятске. Венен бышкаса лэсьтэм бадӟым ковёрын тол кузёяське. Вӧзаз — пужъятэм ӵушкон, курико венен керттэм кышетъёс, тӧдьы басма вылэ венен бышкаса лэсьтэм сяськаос, пичигес ковёръёс, удмурт пужыосын валес шобрет…

Адӟытонэ пыриськизы мукет но кибашлыос: Людмила Степановна Волкова, Зинаида Михайловна Никитина, Апполинария Григорьевна Шитова, Нина Ивановна Широбокова. Эшшо но тросгес усточи адямиосын тодматскем потэ, школа музеймы мед узырмоз тунсыко ужъёсын.

Альбина Корепанова,
Шаркан ёросысь Мувыр шор ёзо школаысь 6-тӥ классын дышетскись

Удмурт Дунне
By Удмурт Дунне 19 апреля, 2013 13:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<