Му гур

Удмурт Дунне
By Удмурт Дунне 23 апреля, 2013 12:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Му гур

Павел Дубовцев но Григорий Степанов

Павел Дубовцев но Григорий Степанов

Туала улонын тросэз малпасько ас ужзэс усьтон сярысь. Озьы ке но, ваньзы уг дырто ужбергатӥсь кариськыны: со понна кыл кутыны быгатӥсь но дӥсьтӥсь луоно.

Ижкарысь Степановъёслэн семьязы сюйлэсь пӧртэм арбериос «пӧра». Мастерскойзылэн чебер удмурт нимыз — «Мугур». Мулэсь гурзэ, шуланэ пельтыса, кылыны луэ: музъемлэн куараез чузъяське.

Григорий Степановен — удмурт ужбергатӥсен, Silent Woo Goore группаысь дыбыртӥсен (барабанщикен) но туспуктӥсен — азьланьтӥськоз вераськонэ.

— Тон пичи дырысеныд ик-а искусствоен герӟаськид?

— Милемыз сузэреным со борды атаймы кыскиз. Пичи дыръям мынам лётчик луэме потэ вал. Анае монэ ӝог инмысь васькытӥз — ӧз сёты со удысэз бырйыны. Атаелэн ӵектэмезъя но юрттэмезъя мон искусствоез бырйи — Удмурт кун университетысь искусствоя но дизайнъя факультетэз йылпумъяй.

— «Мугур» — быдэс семьядылэн ужез, кин маин выре, куспады люкылэмын, дыр. Тон ма кариськод?

— Горд сюйлэсь крезьгуръя инструментъёс лэсьтон — мынам уже. Пӧртэм шуланъёс, окаринъёс (шайтанэз уллясь шудонъёс), мугуранъёс (капчи крезьгуръёсты шудон понна крезьгур инструмент), шыркунъёс (бубенъёс), озьы ик шудонъёс лэсьтӥсько. Соосты быдэстон понна кулэ сюй, векчи боды но тодон-валан. Палэнысен капчи йӧтэ ке но, со озьы ӧвӧл: быгатонлык борды мулэсь кужымзэ шӧдон кулэ.

— Ваньмыз, ма герӟаськемын удмуртлыкен, син шоры йӧтэ-а, туннэ нуналлы тупа-а?

— Туннэ нуналлы тупа ваньмыз, мае вузаны луэ. Котькуд арберилэн аслаз басьтӥсез сюре. Та эскеремын ни, пӧртэм фестивальёсы но ярмаркаосы пыриськыса. Туала улонын йӧскалык лулчеберетлэн данэз ӝутӥськиз, соин удмурт лулчеберетэн, удмурт туризмен тунсыкъяськисьёслэн но лыдзы будэ.

— Кыӵе тырмымтэосыз туала удмурт бизнесын?

— Туннэ ваньмыз Интернет пыр лэсьтӥське, нош вотэсын вузкаронниосмы ӧвӧл. Та ласянь бере кылиськом. Со сяна, удмурт шӧмо арбериосыз котькуд лавкаысь уд шедьты, соос нимысьтыз интыосын гинэ вузасько.

— Туспуктон яке крезьгур удысын ужбергатӥсь луыны мылкыдыд ӧй вал-а?

— Монтэк но тросэз соин выро. Шокчыны уг луы ни — котькытын туспуктӥсьёс. Соин вырон понна буёлъёсты, чеберез шӧдоно. Со ваньмызлы сётэмын ӧвӧл. Мон студент дыръям кредитэн басьтӥ фотоаппарат. Мар сюрем — ваньзэ туспуктылӥ. Али ӵемгес ресторанъёсысь сиёнъёсты пуктылӥсько. Мылкыд карисьёслы фотосессиос лэсьтылӥсько. Мон понна со — хобби.
Тӥни сыӵе тунсыко но быгатӥсь адями со — Гриша Степанов. Ассэ пӧртэм удысъёсын усьтэ, выль инвисъёс доры кыстӥське. Сӥзисько солы азинскон но вань кутскем ужъёссэ пумозяз вуттыны!

Мария Золотарёва

Удмурт Дунне
By Удмурт Дунне 23 апреля, 2013 12:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<