Кызьы утёно удмуртлыкмес?

Удмурт Дунне
By Удмурт Дунне 8 апреля, 2013 10:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кин утёз йылолъёсмес, сямъёсмес, азинтоз кутскем ужъёсмес? Одно ик — будӥсь пиналъёс. Сое туж ӟеч валало Ижысь Первомай ёросысь 59 номеро школаын.

Татын нимысьтыз саклык висъяське удмурт кылэз дышетонлы. 20 арлэсь кема ини удмурт пиналъёс дышето асьсэ кылзэс. Удмуртиысь сӥё-дано дышетӥсьлэн Сазида Минляскаровна Рахимовалэн кивалтэмез улсын удмурт классъёсысь пиналъёс пырисько школаын, городын но республикаын ортчылӥсь конкурсъёсы, олимпиадаосы. Милям школаямы 18 ар ужа ини этнографилы сӥзем музей — «Жизнь и быт народов Удмуртии». Школаысь библиотекарьлэн Ольга Слесаревалэн кивалтэмез улсын пиналъёс бичало, люкало но утё вашкала арбериосты. Соослы сӥзьыса, ортчытъяло урокъёс, экскурсиос, мукет ужрадъёс. Ачим сярысь ке верано, мон та школаын пиналъёсты технилогия уроклы дышетӥсько. Урокъёсам но, кружокын но бадӟым саклык висъясько пиналъёсты киужлы дышетонлы, киын лэсьтэм ужлэсь чеберзэ валаны. Кыӵе гинэ тунсыко, чебересь арбериос уг лэсьто нылпиос технология урокын но кружокын: корка пуш тӥрлык, ужан арбериос, пичи куиськон станок, кубо, черсон питыран, тэркы, ваза.

8-тӥ классын дышетскись пиос асьсэ кужымен алигес лэсьтӥзы куиськон станок. Со чебер пӧрмиз. Табере станок музейысь коркаез чеберма. Нош 5-тӥ классысь нылъёс куиськыны дышизы ни, соос али чебересь салфеткаос, ӵушконъёс но кускерттонъёс куо. Музейлэн кивалтӥсез Ольга Слесарева ачиз но ӝогак гинэ дышетскиз куиськон удыслы. Табере со пиналъёсты визьнода та чебер но тунсыко киужлы. Туж кельшиз куиськыны Удмурт кун университетысь удмурт факультетысь студенткаослы, соос милям школямы алигес практиказэс ортчизы. Музейлэн кивалтӥсеныз Ольга Тихоновнаен ми ортчытъяськом огазеям урокъёс. Одӥгез сыӵе урок ортчиз городысь дышетӥсьёслэн семинаразы. Урокъёсын но урокъёс бере трос саклык висъяське проектно-исследовательской ужлы: удмурт калыклэсь корка котырысь ужан тӥрлыксэ эскеронлы. Тодматскиськом удмурт книгаосын, утчаськом тунсыко материал Интернетысь, вуылӥськом пӧртэм выставкаосы.

Нылпиос ужазы таӵе проектъёс бордын: «Куиськон станоклэн улонын кулэлыкез», «Кубо», «Удмурт кобылэн историез» но мукет. Пиналъёсмылэн ужъёссы вылӥ дунъямын вал научно-практической конференциосын, тросэз соос пӧлысь луизы выставкаослэн лауреатъёссы. Кызьы ми дунъяськом асьмеды но асьме калыкмес? Солэсь улон сюрессэ чакласьком, историзэ дышетиськом, сям-йылолъёссэ утьыны тыршиськом. Озьы гинэ ӝутыны луоз асьмелэсь удмуртлыкмес.

Олег Иванов,
Ижысь 59-тӥ школаысь дышетӥсь

Удмурт Дунне
By Удмурт Дунне 8 апреля, 2013 10:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<