Куинетӥ луизы

Удмурт Дунне
By Удмурт Дунне 26 апреля, 2013 16:48

Россиысь слежд-хоккеен шудӥсь команда апрель толэзь пумын Лымшор Кореясь вуиз. Дуннелэн чемпионатаз Россиысь спортсменъёс нырысьсэ пыриськизы, азьвыл соос кыкетӥ дивизионын (В групаын) шудӥзы. Спортсменъёс азе одӥг курон пуктэмын вал — тямыс команда пӧлысь витетӥ интыозь ӝутсконо. Ӵапак таяз радэ гинэ сюрес усьтӥськоз Сочиын ортчоно Паралимпиадае шедьыны.

Азязы пуктэм ужпумзэс Россиысь паралимпиецъёс ӟеч быдэстӥзы, туй медален бертӥзы. Национальной сборнойлэн составаз пыриськизы Удмуртиысь спортсменъёс: Иван Кузнецов, Алексей Лысов, Евгений Петров, Руслан Тучин но кык тренеръёс Александр Ларионов но но Илгам Авзалов. Россиысь комнада полуфиналын США-лы келяз, нош куинетӥ инты понна чехъёсын шудӥзы но 3:0 лыдын вормиз. Шумпотоно, нырысетӥ но кыкетӥ гол пыртӥзы Можга ёросысь пиос Руслан Тучин но Евгений Петров. Куинетӥ интые шедьыса, Россиысь следж-хоккеистъёс нырысьсэ пыриськозы Паралимпиадае.

Кылем арня пумын та спортсменъёсыз ас дораз пумитаз Александр Волков. Котькуд спортсменлы 500 сюрс манет тыр сертификат кузьмаз. Данъяськисько тӥледын, шумпотӥсько Россилэн командаеныз ӵош туй медаль басьтыны быгатэмды понна. Азьланяз но кужмо возиське, шуиз А. Волков.

Следж-хоккеен шудӥсьёсты Александр Волков нырысьсэ пумитам тренировказы дыръя. Соку инвалид спорсменъёс мугорзэс кыдатӥллям азбарысь йӧ коробка вылын. Сюлмысь выремзэс синйылтыса, Президент «Чекерил» комплексын инвалидъёслы каток кылдытон сярысь ивортӥз. Малпамын — быдэстэмын. Табере «Чекерилын» одӥг липет улын луозы йӧ каток, бассейн но мугор кыдатон зал, матысь дыре лэсьтӥськон ужъёс йылпумъяськозы.

Валентина Емельянова

Удмурт Дунне
By Удмурт Дунне 26 апреля, 2013 16:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<