Гондыр но льӧль Samsung

Удмурт Дунне
By Удмурт Дунне 23 апреля, 2013 11:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гондыр но льӧль Samsung

chidan— Ойдо, нэ, киное!

— Мыным номыр дӥсян…

— Ойдо удмурт патие!

— Монэ мусое уг лэзь…

— Ойдо «Перепечкинэ»!

— Ӝамдэлы гинэ ке, ойдо. Мусоелы, монэ медаз ышты шуыса, жингырто но, мыном.

Тӥни озьы котьку. Эшме кытчы ке ӧтисько ке, нокытчы мынонтэм вылысь ялан кыӵе ке «выжыкыл» малпа.

Огпол чиданэ чигиз но шуи:

— Сётӥсько тыныд 15 минут, собере потом.

— Кытчы? Малы? Мар дӥсяны? А мар мусое шуоз?..

— Так, эше, тынад 10 минутэд кылиз на. Эшшо юаськид на ке, халатэн потоно луод.

Соку эше интыысьтыз вырӟиз ик. Ури-бери дӥсяськиз, буяськиз. Но мукет дыръя та кескичъяськеме но ӧз ни юртты.

Мусоез сярысь малпаськемзэ мон валасько ик. Туганэз солэн кузё кадь. Соин но, дыр, мон сое куспамы Гондыр нимасько. Соин пумиськемез бере эше воштӥськиз. Кышнолы пӧрмиз. Табере кытчы ке мыныны малпа ке, нырысь Гондырезлэсь юаське. Собере кытчы ке вуиськом ке, телефонзэ киысьтыз уг куя. Яке вакчи гожтэтъёс келялля, яке жингыртылэ. Куддыръя мон шумпотӥсько, аслам туганэ сокем ёртӥсь но вожась ӧвӧл шуыса. Нош куддыръя вожъяськисько но та яратӥсь сюлэмъёслы. Угось соос нуналаз олокӧня пол ог-огзылы жингырто, часъёсын верасько. Соослы тунсыко ог-огзылэн котькуд лэсьтэм вамышсы… Со понна ик мон эшме телефонтэк син азям пуктыны но уг быгатӥськы ни. Кин ке юаз ке, кыӵе тынад эшед шуыса, мон шуо, дыр: со сыӵе льӧль Samsung телефонэн.

Нош эшелэн «номыр дӥсяны» шуэмезлы мон паймемысь ноку уг дугды, дыр. Толон гинэ дэрем басьтӥз ке, туннэ со солы уг кельшы ни. Толон гинэ выль туфлиеныз ушъяськиз ке, туннэ созэ номыр понна но уз дӥся. Мар воштӥське уй куспын — уг тодӥськы. Но эшелы котьку номыр дӥсяны!

Выльысь но выльысь чортӥсько эшме кытчы ке, со нош но нош «выжыкыл» маде. Озьы ик улӥськом. Но сокема эшъяськиськом ни — 3 ар пала! Шудонын кадь: кин берпум кылзэ вералоз, со ик вормоз.

Лукерья Шихова

Удмурт Дунне
By Удмурт Дунне 23 апреля, 2013 11:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<