Фин-угор дуннеез котыртоз

Удмурт Дунне
By Удмурт Дунне Апрель 8, 2013 10:07

Фин-угор дуннеез котыртоз

Т. Барахова

Т. Барахова

Россиысь Фин-угор центр «Времени живая нить» вожвылъяськон ялӥз но ивортэ, туспуктэмъёсыз но видеосюжетъёсыз 5-тӥ коньывуонозь басьтоз шуыса.

Туннэ нуналлы конкурсэ ужъёс вуизы ни Россилэн пӧртэм сэрегъёсысьтыз: Удмуртиысь, Комиысь, Марий Элысь, Мурманск но Ленинград улосвылъёсысь, Москваысь. Куд-огез со ужъёс пӧлысь радъясьёслэн куронъёссылы уг тупало, нош дунъясьёс, баллъёс пуктылыкузы, сак луозы.

Россиысь Фин-угор центрен кивалтӥсь Татьяна Барахова вера: «Ужъёс сӥземын луыны кулэ самоди но фин-угор калыкъёс пӧлын мӧйыослэн егитъёслы сям-йылолъёссэс, тодон-валанзэс пыӵатон темалы. Туспуктэмын яке видеоын быгатэ, кылсярысь, песянай луыны, кудӥз дышетэ внучказэ перепеч пыжыны, куиськыны, кыӵе ке мукет ужлы яке кызьы атай пиезлы валэктэ пулэсь лэсьтӥськонэз. Конкурсэ келяны луэ котькыӵе туспуктэмъёсыз: ми ум учке, туэ со шуккемын яке 10 ар талэсь азьло.»

Сӥзьыл дунъясьёс «Фото» но «Видео» номинациосъя вормисьёсыз быръёзы. Соосыз дипломъёсын но уксёен пусъёзы, нош тужгес усто ужъёсын «Времени живая нить» адӟытон фин-угор кунъёсы но улосвылъёсы вуылоз.

Конкурс сярысь положениез шедьтыны луэ сайтысь: www.finnougoria.ru.

Удмурт Дунне
By Удмурт Дунне Апрель 8, 2013 10:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<