Дышетӥсьёслы юрттозы «шундыос»

Малы удмурт дышетӥсьёс, нылпи садъёсын ужасьёс асьсэлэсь ужрадъёссэс анай кылынызы шер ортчытъяло? Одӥгез валтӥсь муг — соослэн ӧвӧл дась сценарийёссы, шудонъёссы, нош берыктыны трос кужым, дыр но быгатонлык кулэ.

Тае лыдэ басьтыса, Удмурт егитъёслэн «Шунды» огазеяськонзы алигес «Шунды бичет» поттӥз. Тиражез 60 экземпляр гинэ ке но, шаерысьтымы чырмыт егитъёслы но дышетӥсьёслы со бадӟым юрттэт луоз.

Бичетэ пыртэмын ролевой, тодматскон но удмурт калык шудонъёс, тренингъёс, ужрадъёслы сценарийёс, туала кырӟанъёслэн но «Шунды гимнлэн» кылъёссы. Пумаз пусъемын поттӥсьёсын герӟаськон амалъёс.

Бичетэз поттыны юрттӥзы Йӧскалык политикая министерство но Эшъяськон юрт.

Туспуктӥз Елена Рябина