8 секунд ӧз тырмы

М. Вылегжанин

Куасэн бызьылӥсь Максим Вылегжанин Россилэн чемпионатаз марафонын кыкетӥ вуиз. 50 иськемез бызёнын вормисьлэсь со кылиз 7,2 секундлы.

Нырысетӥ интые таяз радэ потӥз Москва улосысь Александр Бессмертных, куинетӥ луиз Ханты-Мансийск палъёсысь Евгений Дементьев. Ньылетӥ интыын эшшо огез удмурт спортсмен — Дмитрий Япаров.

Куасэн бызьылонъя марафонын асьсэды усто возьматӥзы мукет улосчиосмы но: Александр Уткин (8-тӥ инты), Кирилл Вичужанин (12-тӥ инты), Николай Хохряков (17-тӥ инты) но Евгений Байбородов (30-тӥ инты).

Пусъёно, Сыктывкарын ортчись Россилэн чемпионатаз М. Вылегжанин но Д. Япаров вормылӥзы ни. Со сяна, эстафетаын К. Главатских, Д. Япаров, Н. Хохряков но М. Вылегжанин командаен утӥзы «зарни».

Туспуктэмез: www.google.ru