29-тӥ оштолэзь — 5-тӥ куартолэзь

Удмурт Дунне
By Удмурт Дунне 26 апреля, 2013 12:31

Така. Тӥ понна котыр ласянь ӟеч вакытъёс кутско. Ужын шуг-секытъёс луизы ке но, соосты капчиен вормоды. Выль тодматсконъёс шумпоттозы. Кытчы ке мыныны дасяськисьёслы сюрес вылэ потоно ӵапак та арняе. Покчиарняе трос уксё быдтоды. Арня пумын тазалыктэс эскере, паласькись висёнъёс медаз кырмиське.

Ош. Туж трос выль малпанъёсты. Соосты улонэ пыӵатон понна одно ик ваньзэ эшъёстылы верано ӧвӧл. Арня кутсконын арлыдо ӵыжы-выжыосыныды ог-огдэс уд валалэ. Сюлмаськытӥсь ужпумъя кыӵе ке йылпумъянъёс лэсьтыны эн дыртэ, нырысь ваньзэ пыр-поч тодэ, эскере.

Кыктоос. Вордӥськонэ секыт эн ӝутъялэ. Быгатэмдылэсь тросгес лэсьтыны, тодэмдылэсь уногес вераны эн тырше. Арняды ӟеч кутскоз но огшорыгес йылпумъяськоз яке сое урод мытоды но умой ворсалоды. ќстӥ пырыны луэ ке, укноетӥ эн кечыръяське.

Кисло-кусло. Арняды керетон бордысен кутскоз. Асьтэлы йыр висён шедьтэмды уг поты ке, эн черекъялэ, эн вераське со адямиен. Кыӵе ке юанъя визь-кенеш юалэ специалистлэсь, асьтэ коже тӥ сое уд ворме. Арнянуналэ, пыд улады учкыса, ветлэ, усьыны медад шедьтэ.

Лев. Кылдэм югдурез чутрак но быдэсак воштыны кулэ. Со понна нырысь ик валано, мар кароно тӥледлы азьланяз. Электроен ужакуды, сак луэ. Бугыръяськись, уртчись мылкыдды ужаны люкетоз. Удмуртарняе кыӵе ке бадӟым воштӥськон луоз.

Нылмурт. Та нуналъёсы мылкыдды визьдэс уз кылзы, соин ик трос пол янгышалоды, юмоке шедёды. Тодмотэм муртъёслэсь кузьымъёссэс эн басьялэ. Азьвыл чаклам ужъёстэс улонэ пыӵатыны кутскоды али гинэ. Покчиарняе тӥледыз юнме янгыше уськытозы. Адӟем вӧтъёсты зэмалозы.

Весъёс. Та нуналъёсы сюлэм куарадэс уката умой кылзэ, со тӥледлы маке туж кулэзэ вераны тырше. Кемалась ортчем керетон учыр сярысь тодады вайытозы. Инметӥ поръяны яратӥськоды, соин ик зэмос югдурез соку ик уд валаське. Янгышъёстэс тупатыны луонлык кылдоз удмуртарняе.

Скорпион. Азьвыл туганъёсыныды эн пумиськылэ. Ваньбурен, страховкаен герӟаськем ужпумъёс тӥ понна пайдаен берытскозы. Шӧдтэк шорысь луэм учыръёс матысь адямиосыныды кусыпъёстэс тугалозы. Арнянуналэ сётэм кылдэс быдэстыны уд быгатэ.

Ыбылӥськись. Трос ужъёсты но сюлмаськонъёсты люкаськозы, но тӥ, соосты вормем сяна, асьтэлы отысь барыш поттыны быгатоды. Бадӟым малпанъёстэс улонэ пыӵатэмды потэ ке, бадӟым адямиослэсь юрттэт курыны эн керпотэ. Кузь сюрес вылэ потэ арня шорын.

Сюро кеч. Выль тодмоосты зэмос эшъёс но юрттӥсьёс луозы тӥледлы азьланяз. Тодон-валандэс будэтыны ӵектӥзы ке, одно ик мынэ курсъёсы я семинаръёсы. Тӥ азьланезлы озьы умойгес ужаны, узырмыны ӟеч инъет кылдытоды. Выль уж утчасьёслы но таяз арняе удалтоз. Вуоно кузпалдэс пумиталоды арня пумын.
Ву кисьтась. Та нуналъёсы тӥ тросгес саклык висъялоды семьядылы. Уж дурады югдур капчигес луоз, тӥ гань-ганьгес шокчоды. Со сяна, тӥледлы ӟеч юрттӥсь шедёз яке уждундэс будэтозы. Со но мылкыддэс бурдъялоз. Бадӟым ужъёс борды арня пумын эн кутске. Кылъёстэс чакласа вералэ, таяз арняе эшъёсты, матысьёсты куатаськисесь луозы.

Чорыгъёс. Таяз арняе мӧзмыны дырды уз луы. Азьвыл сюлмаськонъёсты тӧлӟозы. Мае сокем эскерыны, эгесаны выриды вал, эрике потоз. Бӧрысь валалоды, тӥ понна тазьы умойгес луиз, озьы ик кулэ вылэм шуыса. Матысь адямиеныды кусыпъёсты сӧриськозы, но соос выльдӥськозы куартолэзе.

Удмурт Дунне
By Удмурт Дунне 26 апреля, 2013 12:31