Эх, эшъёс-юлтошъёс…

Удмурт Дунне
By Удмурт Дунне Март 22, 2013 10:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Югдурез утён удысын ужасьёс паймемын: улон 1990-тӥ аръёсы берытске, лэся.

Кызьы ивортӥз МВД-ысь Следствиосъя управлениысь Следствиея ёзэн кивалтӥсь Елена Петрушина, мурт ваньбурез кужмысь таланъёс шаерамы кемалась ӧз пумиськылэ ни вал.

Ижысь 45 аресъем, пытсэт сьӧрысь потэм Иван улонзэ чутрак воштыны малпаз вал, ӧз пӧрмыты. Юыны яратӥсь тодмоосыз но бышкись ез сьӧрын ӵош пукем эшъёсыз воргоронэз ӝог шедьтӥзы. Кылем арын октябрь толэзе шараяськиз на: Иванлэн анаез асваньбурзэ пиез вылэ гожтыса кельтэм. Таӵе ивор йыртэмасьёсты эшшо но бордаз кыскиз: Иванэз нуналлы быдэ винаен куноятӥзы, но воргорон йырсазьзэ ӧз ыштылы.

Винаен сектан дуно усе шуыса, мурт ваньбурлы гочась эшъёсыз шара ивортӥллям: музъемдэ милемлы гожтӥд ке, вӧй вылын кадь улод. Верам кылзылы Иван оскымтэ, нокыӵе кагазъёс вылэ кинюртэмзэ пуктымтэ. Тазьы выремысьтыз эшъёсызлэн мылкыдзы эшшо но золгес пурӟем: эскерыны малпаллям воргоронлэсь чиданлыксэ.

Жугемзы бере катьтэммем муртэ кезьыт балконэ пытсаллям. Иванлэсь кесяськемзэ бускельёсыз кылӥллям ке но, юрттыны мылкыд карисьёс шедиллямтэ. Кынмем муртэ, квартирае пыртыса, пӧсь утюген сутылӥллям. Озьы кык нунал ӵоже юлтошъёсыз Иванэз курадӟытӥллям, ваньбурзэ, 500 сюрс манетсэ курыса.

Оперативно-розыскной уж ортчытыкузы, полициын ужасьёс шуге-леке вуэм воргоронэз шӧдтэк шорысь шараязы, соку ик нырысетӥ юрттэт сётӥзы. Бӧрысь уголовной уж ӝутӥзы. Куинь мурт пытсэт сьӧры пуктэмын. Озьы ке но соослэн эшъёссы Иванлы эркын улыны маза ӧз сётэ. Тодмотэм муртъёс нуналлы быдэ дуно машинаосын дораз вуылӥзы, кытчы ке ворттылытэмзы бере нош ик катьтэммытыса вайылӥзы. Ярано коть, ас вакытаз музъемезлэсь документъёссэ Иван сётыса вуттэм вылэм риэлторлы. Мурт ваньбурез кайпалтыны малпасьёслэн ужзы йылпумъяськымтэ, нош Иванлэсь улонзэ чакласа возё югдурез утён удысын ужасьёс.

Валентина Кутузова

Удмурт Дунне
By Удмурт Дунне Март 22, 2013 10:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<