«Вунэтыны уг яра…»

Удмурт Дунне
By Удмурт Дунне Март 5, 2013 15:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Вунэтыны уг яра…»

egityosКез ёросамы ньылетӥ арзэ ужа ни «Боевое Содружество» калыккуспо огазеяськон. Со герӟа пӧртэм аръёсы ожмаськем адямиосты. Воргоронъёсты люказ организацилэн тӧроез, Чечня ож пыр ортчем мурт, Рашид Муфтахов.

Рашид Фаттахудтинович сюлмыныз висе ож пыр потэм егит пияшъёс понна, быгатэмэзъя котьку юрттэ солдатъёслы но соослэн семьяоссылы.

2009-тӥ арын Афган ожлы 20 ар тырмонэз пусйыку, Кез ёросамы ортчиз бадӟым ужрад, тӥни со нуналэз ик ожгарчиос лыдъяло огазеяськонзылэн вордӥськем нуналэныз. Ньыль ар ӵоже воргоронъёслэн юрттэменызы Кез ёросын гражданской патриотизмлы сӥзем уж паськыт но паськыт вӧлме.

Котькуд ар Вормон нуналэ Кезын бырем ожгарчиосты буре ваён митинг ортче. Ужрадэ пырисько егитъёсын ужанъя, нылпиосты дышетонъя но культура удысысь специалистъёс, школаын дышетскисьёс, ветеранъёс.

Озьы ик егит ожгарчиос юн кусып возё Кузьма шор ёзо школаен. Та школаысь «Истоки» волонтёр организациысь нылпиослы ожгарчиос Граждан ожлы сӥзем эскерон ужъёс гожъяны юртто. Нылпиослэн азьланяз но сыӵе ик чупрес мылкыдзы мед луоз шуыса, «Боевое Содружество» кузьмаз та дышетскисьёслы «духовка» винтовка.

Одӥг номеро Кез шор ёзо школаысь дышетскисьёсты ожгарчиос шумпоттӥзы, «АК-74» дышетскон автомат кузьыменызы. Табере вуоно ожгарчиослы капчигес луоз армиын, угось соос дышетско ни ыбылӥськыны но автоматэз сэрттыны-бичаны вылысь люканы.

Тужгес но бадӟым вормонэз — бырем ожгарчиослы памятник пуктон. 2010-тӥ арын воргоронъёс ас кужыменызы асьсэ бырем эшъёссылы танк синпелет пуктӥзы. Котыраз мерттӥзы сяська, писпуос. Танк доры котькуд адями лыктыны мед быгатоз шуыса, асьсэос ик лэсьтӥзы дурем тубат, малы ке шуоно, памятник сылэ ӝужыт интыын. Со дырысен пӧртэм войскаосын службазэс нуэм пиос праздникъёссэс пусъё татын.

Кезын улӥсьёс туж данъяло но дунъяло «Содружествоысь» ожгарчиосты. Соос ёросысь котькуд ужрадэ пырисько.
Тани туэ толэзь куспын воргоронъёс ёрос библиотекаын ужасьёсын ӵош пумиськылӥзы Кезысь 50 номеро училищеысь студентъёсын, ёросысь школаосын дышетскисьёсын.

Алигес «Олимп» стадионын гуртъёсысь командаосын мини-футбол шудӥзы. Ӝытазе ваньзы понна радъямын вал концерт.

Ольга Серебренникова
Туспуктэмез: molodezh40.ru

Удмурт Дунне
By Удмурт Дунне Март 5, 2013 15:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<