Туспуктэмъёсын история

Удмурт Дунне
By Удмурт Дунне Март 26, 2013 11:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туспуктэмъёсын история

А. Дозоровлэн коллажез

А. Дозоровлэн коллажез

Артём Дозоров — ӟучомем студент, дышетске Удмурт кун университетысь удмурт кылосбур факультетын. «Егит ужбергатӥсьлэн центраз» дышетсконзэ йылпумъяса, сертификат басьтӥз. Со гурт туризмъя проект быдэстӥз. Али Артём лэсьтэ ужбергатонын нырысетӥ вамышъёссэ — фотомозаикаен выре.

— Артём, кызьы тон туспуктэмъёсын ужан ӧре сюрид?

— Берло аръёсы тодмоосы ӵем гинэ кузьмаллязы туспуктэмъёслэсь коллаж. Сыӵе кузьым, зэмзэ но, аспӧртэмлыко. Котькуд адямилы кельше, солы саклык висъяло ке. Нош коллаж — одӥг экземпляръем кузьым, мукет адямилэн чылкак таӵеез луыны уг быгаты, туспуктэмъёс угось ваньмызлэн пӧртэмесь.

Нылашме, Настя Италмасэз, паймытэме потӥз. Лушкемен солэсь туспуктэмъёссэ люкай. Кузьымлэн быдӟалаез малпанъёсам весь будӥз — пумен А4 форматысь (20 пала фотоослэсь) А2 тусозь… Бӧрысь огшоры пазям туспуктэмъёслэн радзы сюриз — суред фотомозаикалы укшаны кутскиз. Быдэс фотоистория — одӥг кагаз вылын! Кыдёкысен учкисьёс Настяез синйылто, матаз вуыса, сюосын пичи туспуктэмъёсты адӟо.

— Кыӵе шуг-секытъёсын пумиськид?

— Компьютерын ужез быдэстон — со одӥг, мукетыз — сое кагаз вылэ поттон. Кыкетӥеныз Ижын шуг-секытъёс кылдӥзы. Мынам печатланлэн ӟечлыкез пумысен чурыт куронъёсы вал. Али заказъёсы трос ӧвӧл. Ма, бен, дыры но ичи — ӝоген госэкзамен сётоно.
Кузьымелэсь нылаше лӧптӥз, шумпотыса тэтчамез ик потӥз. Мон та ужен тунсыкъяськыны кутски. Табере вань мылкыд карисьёслы лэсьтӥсько. Таӵе кузьымен ӵемгес матысь адямиоссэс шумпотто.

-Ӧй вал-а малпанэд удмурт ужбергатон дуннее пырыны, «Перепечкинъёс» выллем?

— Общепит усьтон пумысен ноку ӧй малпалля. Мынам уг поты ужме, нимысьтыз аудитория бырйыса, сюбегатэме (кылсярысь, удмуртъёсын гинэ вырыны). Зэмзэ ке верано, дизайнъя студия но — шӧдтэк шорысь шедьтон. Туэ вылӥ дышетсконниме йылпумъясько, азьланез сярысь юанъёс ӵем кылдыло. Туннэ ужасько, опыт люкасько, нош ӵуказе, оло, армие басьтозы — военкоматын витё ни.

Мария Золотарёва

Удмурт Дунне
By Удмурт Дунне Март 26, 2013 11:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<