Тугоко

Удмурт Дунне
By Удмурт Дунне Март 5, 2013 09:27

Тугоко

lenaДыдыослы ӵектэме потэ ас киосын лэсьтэм йыре понон тугоко. Со синме йырси пыремлэсь утёз.
Сяська тугоко лэсьтон понна кулэ луозы: 3 сантиметр пасьталаё резинка, 2-3 пумо тесьма, весь, сӥньыс но вень.
Нырысь резинкаез йыръя мертаськоды — кӧнягес кулэ луоз. Тесьмаез, кильтро карыса, вуриськоды резинка борды. Огшоры вуриды ке, резинка уз золтӥськы, пиналлэн йыраз уз тэры.

tugokoКутскиськом тесьмалэсь сяська лэсьтыны. Нялтас вераса, тесьма интые кутыны луоз мукет басма но, кылсярысь, муспотон сяська пӧрмоз паськытгес атлас лентаослэсь но. Сяська лэсьтон понна мон бырйи чагыр буёлэз. Нош резинказэ чебертӥ пеймыт-лыз басмаен. Со понна тесьмаез одӥг дурзэ куасаллялэ — озьы пӧрмо сяська бурдъёс. Шортӥз, вуремез медаз адӟиськы шуыса, чеберъяськом весен. Мон бисерез вурӟылӥ, нош луэ на сое лякыны огшоры клеен но. Но вурыса, со кемагес чидалоз, угось пичиос ярато ваньзэ ас киосынызы эскерыны, кысканы.

Озьы одӥгез сяська дась. Тазьы ик лэсьтӥськом мукетсэ, тазэ шорияк вандӥськом. Йыре понон сяськамы эшшо но паськытгес мед адӟиськоз шуыса, со ӝыныё сяськаосты вуриськом резинка борды, висказы кӧня ке пась кельтыса. Отчы вуриськомы бадӟымзэ сяськамес. Озьы сяськамы бадӟымгес но муспотонгес адӟиське.

Басьтӥськиськом тугокоез чеберъяны. Уже мынозы олокыӵе но пумо весь но бисер. Соосын чеберъяськом резинказэ. Сяськаос вурылэм интыосты мон чебермай бисерен.

 

Елена Вахрушева

Удмурт Дунне
By Удмурт Дунне Март 5, 2013 09:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<