Толэз дэмен но вормомы

Удмурт Дунне
By Удмурт Дунне Март 12, 2013 12:38

Толэз дэмен но вормомы

Вӧйдырез шулдырто пичи пургаос

Вӧйдырез шулдырто пичи пургаос

16-тӥ мартэ кезьыт но лымыё тол, эктэммылэсь но тапыртэммылэсь кышкаса, асьме дорысь пегӟыны кулэ. Ӵапак соку уго республикаямы улӥсьёс пусйыны медо Вӧйдырез.

Бадӟым шулдыръяськон ортчоз Кезын. Татчы вань мылкыд карисьёс пыриськыны быгатозы. Тол келянэз ӟеч пусйыны республикалэн бюджетысьтыз висъямын 170 сюрс манет. Пӧртэм ӵошатсконъёсы пыриськисьёсты данъялозы дуно кузьымъёсын.

Но Кез кеме ширтыны быгатымтэос медаз ӝожоме. Вӧйдырез пумиталозы Ижысь Шор площадьын но. Татын ужрад усьтӥськоз 12 часын. Тапыртыса, сиён-юонэн но пӧртэм киужъёсын ярмаркаетӥ поръяса жуммемъёс бертыны медаз дыртэ. 13 часысен Вӧйдыр вераськыны кутскоз удмурт сямен. Городлэн Индустриальной районысьтыз усточиос удмурт сямен кырӟаны гинэ уз дышетэ. Удмурт эктонъёсты-шудонъёсты но возьматозы.

Кинлэн Ижын но шулдыръяськыса кӧтыз ӧз тыры, соосты ӧтё 17-тӥ мартэ Дэри ёросысь Лудорвай музей-заповеднике. 12 часысен отын но ческыт мильымен но пӧсь чаен куноятозы. Мильым пыжонъя мастер-класс но ортчытозы. Тырем кӧтэз зуркатон вылысь радъямын луозы бадӟым пу куасэн бызьылонъя ӵошатскон, гын сапеген лэзьяськон. Нош йӧ юбо йылэ тубыны быгатӥсь муртэ нимысьтыз кузьымен пусъёзы.

Нялтас вераса, Удмуртиысь Инкуазез эскеронъя станциысь специалистъёс оскыто: матысь шутэтскон нуналъёсы тӧл лымшор но шундыӝужан вискысь секундскын 8-14 метре пельтоз. Быдэс нуналъёсын пилемо возиськоз, лымыен суро зор-кот усёз. Уйин -3-8 градус кезьыт возиськоз, нуназе +3 градусозь но шуныт кариськоз. Озьыен, коркан пуконо ӧвӧл. Дэмен кариськыса, толэз ӝоггес улляломы.

Елена Фёдорова
Туспуктӥз Мирела Мазур

Удмурт Дунне
By Удмурт Дунне Март 12, 2013 12:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<