Толэз уллямы, лымыез посыса

Удмурт Дунне
By Удмурт Дунне Март 19, 2013 15:26

Толэз уллямы, лымыез посыса

voyИжысь 112 номеро нылпи садын кылем арня ӵоже «Вӧйдырез» ортчытӥмы. Макем трос шумпотон кузьмамы покчиосмылы, нош милемлы, педагогъёслы, соослэн задор мылкыдзы паласькиз.

Пиналъёсмы тодматскизы арня вискысь удмурт нуналъёслэн нимынызы. Вордӥськон — со Вӧйдырез пумитан. Та нуналэ нылъёс но пиос урамын шумпотыса бызьылӥзы куасэн, нискылазы гурезьысь.

Пуксён — калык шудонъёслы сӥземын вал. Кызьы гинэ ӧз шудэ пиналъёсмы: «Палтуриен», «Небыльтокен», «Вал быжен», «Кутэн» но «Козлокен».

Нош вирнуналэ ма каримы? Ческыт сиёнэн утялскимы. Котькуд арняе милям «Ческыт сиськон» нуналмы луэ. Таяз радэ пиналъёсмы, ымдурзэс ик нюлыса, ческыт зыретэн мильым сиизы, турын-куарен чай юизы.

Покчиарняе юрттӥмы Шундылы толэз улляны. Пиналъёс, ог-огзэс вормыны тыршыса, лымыын погылляськизы, бадӟым лымы гурезе тубон понна вожвылъяськизы. Шудӥзы ке шудӥзы, вань лымыез посӥзы. Нош уката шӧртчиосыз пиналъёсмы пыриськизы Октябрь ёросысь нылпи садъёс куспын ортчем куасэн ӵошатсконэ.

Удмуртарняез нимамы «Песянай дорын мильым сиён» нунал шуыса. Пиналъёсын ӵош Воё мунё нылын шулдыръяськимы, мадиськимы, кырӟамы но эктӥмы. Ӵош толэз уллямы, тулысэз ӧтимы но вӧё мильым сиимы.

Светлана Зубарева
112 номеро нылпи садлэн кивалтӥсезлэн воштӥсез

Удмурт Дунне
By Удмурт Дунне Март 19, 2013 15:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<