Туннэ пусйиське театрын ужасьёслэн нуналзы

Удмурт Дунне
By Удмурт Дунне 27 марта, 2013 14:42
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ пусйиське театрын ужасьёслэн нуналзы

teatrТуннэ, 27-тӥ южтолэзе, быдэс дуннеын пусйиське театрын ужасьёслэн нуналзы. Со профессиональной праздникен нимаське котькудӥз театрын тыршись понна — актёръёс, режиссёръёс, куарая режиссёръёс, югытъя техникъёс, костюмеръёс, декорациосты суредасьёс, декорациосты монтировать карисьёс, администраторъёс но театрысь литературной люкетаз ужасьёс понна.

1961-тӥ арын театрлэсь калыккуспо нуналзэ ЮНЕСКО учредить кариз. ЮНЕСКО бордысь театръя йӧскалыккуспо институтлэн (МИТ) куремезъя, арлы быдэ дуннеысь лулчеберетэз азинтӥсь ӧнерчиос дуннеысь театр огазеяськонъёслы вазисько. Туннэ вазиськонзэ лыдӟоз итальян драматург но режиссёр, Нобель премилэн лауреатэз Дарио Фо.

Асьмен удмурт профессиональной театрмы кылдӥз революция бере гинэ. Со усьтӥськиз 7-тӥ тулыспалэ 1931-тӥ арын Игнатий Гавриловлэн пьесаезъя пуктэм «Вало ӧр куашетэ» спектаклен. Кызьы гожтэ театровед Анна Евсеева, пьесаез пуктӥз Кузьма Ложкин (соку со Москваын режиссёрлы дышетске на вал), декорациосты дасяз «Металлист» клублэн художникез А. А. Авдеев, крезьгурзэ гожтӥз Центральной клубын струнной оркестрен кивалтӥсь Г.В. Тельнов. Учкисьёс сое шумпотыса пумитазы. Озьы кутскиз удмурт театрлэн историез.

Удмурт Дунне
By Удмурт Дунне 27 марта, 2013 14:42