Таиз уг яра? Басьтэ тазэ!

Удмурт Дунне
By Удмурт Дунне Март 15, 2013 14:10

Полина кенак вань улонзэ ужаз магазинын, сиён-юонэн но, дӥськутэн но вуз кариз. Али со пенсиын ни. Но яратоно ужезлэсь куштӥськыны уг малпа. Бакча сиён будэтэ, курег вордэ, сяська мерттэ. Солэн одӥг кушманэз но, одӥг киярез но уз изъянмы. Фермаысь курег басьтэ но, быдэс гужемзэ курегпузэн вуз каре. 

Бер сӥзьыл ини курегъёссэ вандэ но базаре вуттэ. Отын солэн аслаз сэрегез но кырыжам тумбочкаез вань. Кылем сӥзьыл но вань курегъёссэ вузаз. Резь-куаж басьтӥзы ӟеч сюдэм бурдооссэ. Атас сӥльзэ гинэ палэнтӥзы. Ма, кинлы кулэ лызэктэм маке?
Полина кенаклэн Петяез дораз ик пыраллямтэ. Прочь калгиз, пе, бускель курегъёсын. Кӧй люканэн йырин солы ӧй вал ни, шуэ кенак.

Озьы ке но нунал пумын со Петязэ но вузаны быгатӥз. Интеллигент тусо воргорон атасэз кема-кема погылляз но шуиз:
— Тазэ уг басьты, мукетсэ поттэ.

Полина кенак, бурдозэ кутыса, тумбочкаяз дыбыр-шалтыр куштӥз но, бугыръяськем карыса, выльысь сое ик поттӥз.
— Тазэ басьто, — вазиз воргорон.
Вузчи но басьяськись, ог-огзылы тау карыса, капчи мылкыдын люкиськизы. Тӥни озьы, Полина кенак магазинын ужам сямзэ уг вунэтъя. Ма шуод — быгатэм кулэ.

Николай Тебетеев

Удмурт Дунне
By Удмурт Дунне Март 15, 2013 14:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<