Лыктӥллям удмуртъёс…

Удмурт Дунне
By Удмурт Дунне 12 марта, 2013 13:20

Лыктӥллям удмуртъёс…

М. Антонова

М. Антонова

«Удмурт Кенешлэн» бадӟым ӧтчамез дыръя тодматскыны кылдӥз Коми шаерысь Сысола ёросысь Заозёрье каргуртысь Матрёна Антоноваен.

Татарстанысь Балтач ёросысь Чабъя черкогуртын вордскем удмурт кышномурт Матрёна Ильинична ас вакытаз пӧртэм улосъёсыз котыртӥз. Школазэ йылпумъяса, улон сюрес сое Можга ёросэ вуттӥз. Кирпич шуккон заводын кӧня ке ужамез бере, бурдъяськиз вал Ижевске яке Казане, но егит муртэ дышетскемез ӧвӧлэн нокытчы кутӥллямтэ. Уж но улон инты утчан сяменыз 18 аресъем нылаш Коми республикае вуэм.

Мурт шаерын улыса но, удмурт кышномурт ыштӥськымтэ. Матрёна Ильинична верамъя, Заозёрьеын али дасо пала удмуртъёс, нош 2000-тӥ аръёслэн кутсконазы соос 3 поллы ятыр вал. Ваньзы анай кылынызы верасько.

Та вакытэ Матрёна Ильинична пенсиын ни. Ваньмон дырзэ пайдаё ортчытэ. Заозёрье каргуртын 7-тӥ арзэ ужа «Зоренька» ансамбль. Гуртысь арлыдоос мыло-кыдо отчы пырисько. Кырӟам-верам сяна, киужъёсъя «Мисс петель» кружоке ветлэ, мугорзэ кыдатэ. «Нациослэн кроссазы» пыриськыса, ас ёзо эшъёсыз пӧлын кыкетӥ инты басьтӥз. Шумпотонэз дурыныз пачыла.

«Зоренькалэн» репетициосыз арняяз кык пол ортчо. Та коллектив пӧртэм улосъёсын ортчылӥсь фестивальёсы пыриськылэ. «Ой, тӥ чебер нылъёс», «Мар каром на?», «Бусъёсын шобырскизы», «Юг-юг ӝужалоз», «Вай, ошмесэ», «Кинъёс, кинъёс лыктӥллям» но мукет удмурт, коми но ӟуч кырӟанъёсыз быдэсто. Комиын, «Зоренька» сяна, удмурт кылын кырӟась мукет коллективъёс ӧвӧл ни. Соин соосты туж ярато.

Елена Рябина
Туспуктӥз Елена Баранова

Удмурт Дунне
By Удмурт Дунне 12 марта, 2013 13:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<