Кырӟась механ

Удмурт Дунне
By Удмурт Дунне 26 марта, 2013 11:37

Кырӟась механ

Шорысез - М. Матвеева

Шорысез — М. Матвеева

22-тӥ южтолэзе ИжГТУ-ын ортчиз «Поющий механ» ужрад. Авторской кырӟан номинациын вормиз удмурт нылаш Марина Матвеева, со быдэстӥз «Вордӥськем нуналэныд» гурзэ.

— Кырӟанэ укыр каллен, лэйкыт, соин ик вормоз шуыса ӧй но малпа, — вера Марина. — Та гуре кылдӥз 3 ар талэсь азьло, анаелэн вордскем нуналэзлы сӥзьыса. Кырӟасько пичи дырысеным, 6 арескысен. Огырчи ёро-сысь Варклед-Бӧдьяысьтымы «Чингыли» ансамбле ветлӥ. Нырысьсэ бадӟым сцена вылэ потӥ 4-тӥ классын, бускель Кучуково гуртын. Али дышетскисько информатикая но лыдъян-чотан техникая факультетын 1-тӥ курсын.

Маринаез ӟечкыланы вуиз вордскем гуртысьтыз эшез Люба Михайлова. Концерт бырем бере нылъёс огъяулонние вамыштӥзы — ӵапак татын Марина «механысь» эшъёссэ утялтӥз вормыны юрттэм тортэныз. Марина кырӟаку, сцена вылысен нылъёс но пиос торт вылын суредам удмурт толэзьысь сюсьтылъёсты ӝуатӥзы уго… Кин тодэ, оло та кузьым ик жюриосты паймытӥз?

Удмурт Дунне
By Удмурт Дунне 26 марта, 2013 11:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<