Корка дунъем баян

Удмурт Дунне
By Удмурт Дунне 1 марта, 2013 14:19
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Корка дунъем баян

Зубков

Владимир Зубков

Удмурт филармониын, 60 аресэзлы сӥзьыса, «Синмысь синме» юбилей ӝытсэ ортчытӥз Удмурт Республикаысь культура удысысь дано ужась, Удмуртилэн Кун премиезлэн лауреатэз Владимир Зубков.

Нырысь ик сцена вылэ потӥз Александр Невский соборысь архиерейской хор. Жин-жин куараос юзыр-кезьыр каризы, сюлэмез вырӟытӥзы. Владимир Зубковлы вань ӟечсэ сӥзьыса, вераськиз егитъёсын ужанъя министр Владимир Соловьёв.

Алнаш ёросысь Азамат гуртын вордскем Владимир Зубков тодаз вае:
— Удмуртъёс шуэм сямен, курег вузай, арган басьтӥ луэм кадь кошкиз улонэ. Анае 200 манетэн коркамес вузаз но, 199-эн баян басьтӥз. Кылем манетэз али ке но милемыз сюдэ на (серекъя). Со баян ке улонме ӧй валтысал, ӧйтӧд, кин мон луысал. Мыным удалтӥз: Геннадий Корепанов-Камский крезьгурчиен  шаерысьтымы усточи баянчиосын Николай Широкихен но Владимир Варачёвен ӵош ужамы. 11 ар ӵоже «Ижмашлэн» хореныз кырӟай. Валерий Митрофанов улонам трос юрттӥз.

Секыт ке но вал (одӥг интые дас адями мертаськиз), удмурт пияшлы Казаньысь консерваторие пырыны удалтӥз. Иже бертыса ини, Удмурт радиолэн хораз тыршиз, оскизы шаерысьтымы усточи нылпиос понна Ижын  школа-интернат усьтыны. Дышетӥсь сяна, отын со кивалтӥсь но вал.
Сюлэм-мылкыдзэс сётыса,  сцена вылэ потазы (котькудӥз аслаз кырӟан-веранэныз) Владимир Евгеньевичлэн школа-интернатын дышетэм нылпиосыз: Кияса черкогуртысь «Непоседы» ансамбльысь Николай Самсонов, «Айкай» калык театрысь Пётр Куликов, Владимир Евгеньевичлэн ки пыртӥз потэмын Удмурт филармониен кивалтӥсь Алексей Фомин.

Ӝытбыт чузъяськизы Владимир Евгеньевичлэн кырӟанъёсыз. Соосты лулысь-сюлмысь кырӟазы кыкто сузэръёс — Любовь Зубкова но Надежда Осипова. Любовь Никитьевна — Владимир Евгеньевичлэн кузпалыз. Соин ик та ӝытэ тросэз сяськаос ӟеч кузпаллы но анайлы кузьмамын вал. Концерт йылпумъяськиз «Зарни крезь» оркестрлэн шудэмез улсын.

Любовь Тихонова
Туспуктӥз  Михаил Егоров

Удмурт Дунне
By Удмурт Дунне 1 марта, 2013 14:19