Вӧйдыр — Кезын, Гербер — Алнашын

Удмурт Дунне
By Удмурт Дунне Март 6, 2013 12:45

Вӧйдыр — Кезын, Гербер — Алнашын

gerber16-тӥ мартэ Кез ёросын паськыт ортчоз Вӧйдыр. Республикаысьтымы вань мылкыд карисьёс та ужрадэ пыриськыны быгатозы. Ужрадэз радъяны висъямын 170 сюрс манет.

— Вӧйдырез огез но выжы калык пусйытэк уг кельты. Таяз рад со эшшо но шулдыргес ортчыны кулэ. Калыкез кырӟатэм-эктытэм, ческыт мыльым сюдэм сяна, кезъёс пӧртэм ӵошатсконъёс но шудонъёс радъяны малпало, — шуэ нациосын ужан политикая министр Владимир Завалин.

Со ик ивортӥз: Гербер праздник туэ ортчоз 29-тӥ июне Алнашын. Татчы, Дэри ёросысь Лудорвае сямен, 80 сюрс адямиос уз люкаськы ни. Но 5 сюрс муртэ ке но празднике возьмалом, пе.
2014-тӥ арын Гербер ортчоз Яр ёросын.

— Та праздникез выльысь ёросъёсын пусйыны кариськемлэм мугез одӥг: районъёслы азинскыны озьы юрттӥськомы. Одӥг кенерез ке но буязы, шумпотыны кулэ ни. Гурт шудонъёсты но Ижын гинэ ортчыны луоно. Но ёросъёслэсь спортивной базазэс озьы ноку ум юнматэ, стадионъёс уз пуксе. Озьыен, егитъёс спортэ уз кыстӥське, тазалыксы лябӟоз. Гербер праздникез ёросъёсы выжтыса, адямиос адӟозы: котькуд район висъяське аслаз культураеныз но сям-йылолъёсыныз, — валэктӥз министр.

Елена Фёдорова

Туспуктӥз Владимир Беломорских

Удмурт Дунне
By Удмурт Дунне Март 6, 2013 12:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<