Эрико омырен шокан

Удмурт Дунне
By Удмурт Дунне Март 26, 2013 10:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Эрико омырен шокан

Ижкарлэсь акыльтыса,              Света Батаногова Балатон ты дуре вуиз

Ижкарлэсь акыльтыса, Света Батаногова Балатон ты дуре вуиз

Котькуд аре тулыслэн кутсконаз Балатон ты дурын мадьяр шаерлэн куноосыз, кылысь кылэ берыктӥсьёс, люкасько. Туэ соос пӧлын кык удмурт апокъёс — Пичи Пурга ёросысь Эгралась Катя Эмырова но Шарканысь Света Батаногова. 

— Милемыз нош но нош пумита Балатонфюредлэн йӧл кадь нап, вожалэс тымет вуэз, — шуэ Света Батаногова. — Егит берыктӥсьёслэн татчы амалтэк берытскемзы потэ. Филологъёслэн ужан интызы, со ик кунокуа — вашкала шӧмын пыӵам вуж корка, азьло со венгер гожъяськисьлэн юртэз вал. Татын астэ литературалы сӥзем потэ! Пагӟаостӥ тубыса, пыриськод гинэ — соку ик ортчем улонэд но сюлмаськонъёсыд вуно, ужам потыны кутске. Котырак книгаос, визьмо муртъёс, йыр мукет сямен пӧзьыны кутске. Уно шаеръёсысь усточиос, тодмотэм калыкъёс огазеясько, ваньзы ӵош одӥг ужпумез сэртто — ас литературазэс выль берыктэм книгаен узырмыто. 

Таяз арын ми укмыс кузя люкаським. Катя Эмырова Рязаньын улэ ке но, монэн артэ уте удмуртъёслэсь нимзэс, Майя вуэмын Хорватиысь, Кора-Лиза — Голландиысь, Гая — итальян нылаш, Катаржина но Каролина — полячкаос, Рээт — эстонка, Лиза — Санкт-Петербургысь ӟуч берыктӥсь. 17-тӥ южтолэзьысен 24-тӥозь, быдэс арнязэ, ми Андраш Пайи гожъяськисьлэн «Мон улӥ» («Éltem») произведенияз копаським. Сое берыктыны милемлы юртто усто дышетӥсьёсмы Мона Данэл но Петер Рац. «Берыктӥсьлэн юртаз» ас вакытаз кыллюкамъёс бичазы удмурт-венгер ӧнерчиос Лариса Широбокова, Алёна Родионова, Екатерина Сунцова но мукетъёсыз.

Арня ортчиз, произведениысь котькудӥз чыры-пыры валэктэмын, вераськемын-кенешемын — выль тодон-валан басьтэмын. Ми ӝоген дорамы бертомы, нош сюлэме кылёзы эрико ужан инты, капчи шокан омыр, тымет дурын пуконъёс, тунсыко пумиськонъёс.

Дарали Лели

Удмурт Дунне
By Удмурт Дунне Март 26, 2013 10:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<