Бусы ужъёс азьын

Удмурт Дунне
By Удмурт Дунне 25 марта, 2013 13:30

Бусы ужъёс азьын

Удмурт выжыысь пудоез Россиысь ыж вордӥсьёс ӟеч тодо

Удмурт выжыысь пудоез Россиысь ыж вордӥсьёс ӟеч тодо

Пичи Пурга ёросысь «Молния» хозяйство быдэс шаерамы тодмо луэ ыж вордонэныз.

Гуртоос уло, ыж гон, ыж сӥль но ыжпи вузаса. Та хозяйствоын поттэм удмурт выжыысь пудоез ӟеч тодо ни Россиысь тросаз ыж вордонэн вырись улосъёсын но нимаз хозяйствоосын. Асьме ыжъёсмы ваньмысьтыз бадӟымесь выставкаосысь зарни но азвесь медальёс ваё. Тросэз вормонъёс пото пудо сиёнлэн ӟечлкыкез бордысь. Со понна бусыосты дыраз кизёно, жуг-жаг турынлэсь утялтоно, выкытаз турнано. Бобья-Учаысь музъем бордын ужасьёс та куронъёслы бадӟым саклык висъяло. Тани туэ но Выль ар бӧрсьы куинь муртлэсь нимысьтыз бригада кылдытӥзы, воргоронъёс техника тупатъяло, ужало шуныт, чылкыт интыын.

— Ваньзы ик оскымонэсь, — шуэ «Молниысь» валтӥсь инженер Николай Селивёрстов. — Тани сварщиклы Анатолий Дмитриевлы номыр валэктыны кулэ ӧвӧл, со ваньзэ ачиз тодэ, кытын ма тӥяськемын, ма вадьсытӥ кортэз кышъяно. Нош слесарьёсмы Николай Степанов но Николай Петров кулэ дыръяз асьсэос ёз но лэсьтозы. Ӟеч ужало.

Хозяйствоын 14 трактор, 5 кизён агрегат. Тупатон ужъёс быдэсмо ни, кылемын на ма но со чыры-пыры лэсьтонъёс. Нош техосмотр ортчытэмын луоз 11-тӥ апреле.

Иван Аркашев

Удмурт Дунне
By Удмурт Дунне 25 марта, 2013 13:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<