25-тӥ южтолэзь — 31-тӥ южтолэзь

Удмурт Дунне
By Удмурт Дунне Март 22, 2013 10:54

Така. Котьма мед вералозы эшъёсты, но ас синъёсыныды адӟемдылэсь азьло номырлы эн оске. Документъёсты пыр-поч эскере, иворъёсты кӧня ке пол пужнэ. Пичи янгышты  но зол юмоке вуттыны быгатоз. Арня шорын тазалыктэс уката но уте. Бадӟым ужъёсты четверге эн кутске.

Ош. Гажан муртэныды кусыпъёсты валантэмесь, соин ик керӟегъ-яськись-коды, вождэс поттӥськоды.  Уж дурады сак луэ, пӧяны вырисьёс шедёзы. Таяз арняе командировкае потоно луоды. Нылпиостылы тросгес саклык висъяны тырше. Арня пумын огнады, шыпак малпаськыны уд быгатэ, тӥ ялан калык пӧлын луоды.

Кыктоос. Коньдон ужпумъёсты вош-тӥськозы. Арня кутсконын кивалтӥсьты доры ӵемгес пыралэ, нош арня пумын син шораз эн йӧтылэ. Пунэмаськисьёслы уксёдэс эн сётэ, осконтэм ужъёсын эн выре. Гочатыны тыршизы ке но, чаляк узырмыны уз кылды. Шутэтскон нуналъёсы пумиськонъёс эн радъялэ.

Кисло-кусло. Туж умой арня. Уно шумпоттӥсь иворъёс, выль тодматсконъёс витё. Бадӟым малпанъёсты улонэ пыӵаны кутскозы. Таяз арняе тӥ трос лэсьтоды, ӵош ужась эшъёсыныды валче тыршиды ке. Арня пумын кыӵе ке воштӥськонъёс луозы. Тӥ асьтэдыз  котыр ласянь умой возьматоды.

Лев. Таяз арняе уждэс воштыны эн дыртэ. Тӥледлы вылез сюлэмдыя уз луы, нош ваньмызлы верады бере, таисьтыз но кошконо луоз. Тунсыко уж  шедьтыны луонлыкъёс усьтӥськозы вуоно толэзе. Семья кусыпъёсты шумпоттозы. Пятницае документъёстэс, уксёдэс пыдлогес утялтэ.

Нылмурт. Кылдэм югдурез котыр ласянь эскере но асьтэлы йылпумъянъёс лэсьтэ. Та нуналъёсы сюлмась-кытӥсь вераськон, кыӵе ке ыштон вите. Шутэтскон нуналъёсты ӟеч ортчозы. Дорады куноос лыктозы. Кин ке азьвыл яратонэз сярысь тодаз ваёз но сое улӟытыны выроз.

Весъёс. Арняды узыр луоз пӧртэм учыръёсын. Туж кулэ юанлы валэктон шедьтоды. Котырысьтыды адямиосты асьтэ пала берыктыны быгатоды, шудоды соосын. Арня шорын нылпиостэс син шорады возе. Мозмытскоды солэсь, мар та дырозь люкетэ но пачкатэ вал тӥледыз. Мылкыдды усёз, гажанды дорады лыктыны ӧз быгаты ке.

Скорпион. Арня кутсконын тӥ маке пумысен споръяськоды но шугъ-яськытӥсь югдурысь потон амал шедьтоды. Кин ке выль дӥськут басьтоз, кин ке улон интызэ тупатъяны кутскоз. Арня пумын куное ветлэмды потоз. Ӵыжы-выжыосыныды пумиськон туж шуныт ортчоз.

Ыбылӥськись. Вераське шыпытгес, котырады трос  сак пелё адямиос, соослэн тӥ сярысь туж тодэмзы потэ. Та нуналъёсы сюлэм куарадэс сак кылзэ, со тӥледлы эшъёстылэсь ӟечгес визь-кенеш сётоз. Тыршемдэс умой пусъёзы. Арня пумын пӧяськисез шараялоды. Кылдэс шӧдытэк, кинэ ке вӧсь карыны быгатоды, соин ик чакласькыса вераське.

Сюро кеч. Яратон яке сое утчан вакыт. Гажанэныды керетэмын вал ке, нырысь вамыш пумитаз лэсьтэ асьтэос. Арня кутсконын тӥледлы маке дэмлалозы, соглаш эн луэ, со тӥледлы пайда уз вайы. Четверге тӥледыз выль тодматскон вите, оло, ӵапак со ик луоз тӥляд зэмос яратонды.

Ву кисьтась. Семьядылы тросгес саклык висъялэ, эн вунэтэ: соос тӥляд тужгес матысь адямиосты. Ӵош ужась эшъёсты юрттэмен малпанъёстэс улонэ пыӵатыны быгатоды. Таяз арняе уксёдэс пунэмен эн сётъялэ, кылдэс пинь сьӧрады возе. Четверге кыӵе ке воштӥськонъёс луозы. Арня пумын секыт эн ӝутъялэ.

Чорыгъёс. Кузпалэныды валамтэос кылдозы. Керетытэк, гажандэс ултӥятэк, югдурез сэрттоно кариськиды ке, яратонды сое дунъялоз. Арня кутсконын кивалтӥсьёсты маке понна кылдэс юалозы. Ужады воштӥськонъёс пыртыны эн дыртэ, нырысь ваньзэ умой малпалэ. Ссуда басьтыны яке коньдондэс банке поныны ӵапак дырыз.

Удмурт Дунне
By Удмурт Дунне Март 22, 2013 10:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<