Жалялэ нылпиостэс

Удмурт Дунне
By Удмурт Дунне 14 февраля, 2013 13:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Жалялэ нылпиостэс

nylpiВӧзам сыло кык кышномуртъёс, удмурт кылын верасько, огезлэн пичиез котыртӥз берга. Нуныезлы анаез ӟуч кылын вазиз. Вӧзаз сылӥсь эшез паймиз: быдэс семьяды удмуртъёс но, нылпидэс ӟучлы дышетӥськоды-а, пе. Соиз нокыӵе кариськытэк валэктӥз: «Ма, садиказ ваньзы ӟуч кылын верасько ук, мед тодоз! Соин ик ӟучлы дышетӥськом».

Мон воксё пайми! Кызьы озьы удмурт семьяын нылпиен ӟуч кылын гинэ вераськод, нош удмуртэзлы чик но уд дышеты? Кожало, ӟуч кылэз дышыса уз вуэ ни, нылпиоссэс серекъялозы. Удмурт кыл но соослы нокытын кулэ уз лу. Вазиськи эшъёсылы: кыӵе кыллы соосты дышетӥзы семьяязы? Ваньмыз ик шуизы:

— Будэмын удмурт семьяын. Пичиысен ик удмурт кылын гинэ вераськизы, ӟучезлы нокин дышетӥсь ӧй вал. Озьы ке но ӟучез но, удмуртэз но умой тодӥсько. Ӟучезлы амалтэк но дышод.

Тодам вайи Елена Рябиналэсь алигес «Дартын» печатлам ужзэ. Отын вал таӵе веран: «Семьяын нылпиен кык кылын верасько ке, со кык кылэз ик тодэ. Шонер ӧвӧл!» Зэмзэ но, шонер ӧвӧл со!

Гуртамы одӥг дыре вордӥськизы кык пиос. Огез будӥз таш-таш удмурт семьяын, мукетыз ӟучо-удмуртаз. Нырысетӥеныз удмуртэн гинэ вераськизы, нош кыкетӥеныз — ӟучен но, удмуртэн но. Удмурт семьяын будэмез 2 аресаз туж чебер вераське вал ни. Нош мукетызлэсь уд вала, мар верамзэ ик. Кык кылэз кылыса, пичилэн йырыз уг визьтэммы-а кожаськоды?

Али та пиослы 5 арес ни. Огез удмурт, ӟуч кылын но туж чебер, вольыт вераське (дышетӥсез ӧй вал ке но). Нош мукетыз ӟуч. Удмурт кылын уг вераськы. Валаны вала ик кӧня ке.

Вазиськем потэ вань удмурт семьяослы. Эн визьтэммытэ нылпидэс кык кылын, жалялэ соосты. Дышетэ удмурт кыллы, нош ӟучэзлы со ачиз но дышоз. Шаермылэн азьлань сюрэсэз асьмелэн киямы!

Анна Шарыпова
Алнаш ёрос,
Выль Утчан школа

Туспуктӥз Владимир Беломорских

Удмурт Дунне
By Удмурт Дунне 14 февраля, 2013 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<