Завод гуретэ жингрес

Удмурт Дунне
By Удмурт Дунне 1 февраля, 2013 09:51

Завод гуретэ жингрес

Ижысь автозаводлэн ужаменыз тодматскиз Президент                        А. Волков

Ижысь автозаводлэн ужаменыз тодматскиз Президент А. Волков

Удмурт Республикалэн Президентэз Александр Волков та нуналъёсы вуылӥз Ижысь автозаводэ. «Автоваз» огазеяськонлэн кивалтӥсеныз Игорь Комаровен ӵош со тодматскиз предприятиын усьтэм кык выль площадкаосын.

Одӥгаз выль площадкаын бичало машина ӧсъёсты, мукетаз — кузовъёсты. Вань ужъёс татын 10-15 процентлы чальгес быдэсъясько.

А. Волков но И. Комаров эскеризы Италиысь, Германиысь вуттэм роботъёслэсь ужамзэс.
— Мыным туж кельше заводлэн жингрес гуретэмез, — мылкыдзэ вераз Президент. — Оскисько, вуоно арын Ижысь автозавод бичаны пӧрмытоз ни 100 сюрс машина. Мылкыд лӧптэ мукетыз пумысен но: заводын кутӥсько туала технологиос. Кылсярысь, «Лада-Гранта» машинаез бичало дуннеысь автопромын кутӥськись амалъёсъя но куронъёсъя.

Ӵошатон вылысь: кылем арын Ижысь автозаводын ваньзэ-ӧвӧлзэ бичамын 48 сюрс 573 машина, со пӧлысь 24 сюрс 74 авто — «Лада-Грантаос». Туэ ар куспын чакламын 60 сюрс пала «стандарт» но «норма» комплектацилы тупась «Лада-Грантаосты» поттыны.

Сергей Захаров

Туспуктӥз Николай Глухов

Удмурт Дунне
By Удмурт Дунне 1 февраля, 2013 09:51