21-тӥ тулыспалэ — «УДМУРТ in the future»

Удмурт Дунне
By Удмурт Дунне 18 февраля, 2013 10:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

21-тӥ тулыспалэ — «УДМУРТ in the future»

21-тӥ тулыспалэ удмурт кылын вераськисьёс мӧля вылазы таче значок бырттозы

21-тӥ тулыспалэ удмурт кылын вераськись мӧляяз таӵе значок бырттоз

21-тӥ тулыспалэ быдэс дуннеын Анай кыллэсь нуналзэ пусъё. Удмурт егитъёслэн «Шунды» огазеяськонзы та нуналлы сӥзьыса, удмурт кылэз Ижкарын но ёросъёсын вӧлмытон понна кӧня ке ужрадъёс дася.

Сямлы пӧрмиз ни «Вераськы анай кылын!» акция. Азьвыл мылкыдчиос калык пӧлын вӧлмытӥзы анай кылэз дышетыны ӧтён буклетъёс. Туэ «шундыос» «Мон вераськисько удмурт кылын» гожтэмен значокъёс бырттылозы удмурт кылэз валась 56 номеро гимназиысь нылпиослы, вузъёсын дышетскисьёслы, министерствоосын но пӧртэм ужъюртъёсын тыршисьёслы, магазинъёсын вузкарисьёслы но огшоры мынӥсь-ветлӥсьёслы. Акция ортче. Йӧскалык политикая министерстволэн юрттэменыз.

Та нуналэ ик Ижкаретӥ «удмурт» трамвай ортчоз одӥг рейс. «Шундыос» дугдылон интыосты удмурт кылын ялозы, ӟуч-удмурт разговорникъёс люкылозы, трамвай салонын туала удмурт кырӟанъёс чузъяськозы, нош вань гожтэмъёс кык кылын луозы. Огазеяськонлэн ёзчиосыз оско: та акция кутскон сётоз дугдылонниосты удмурт сямен котькуд нунал ялонлы. Акция ортче МУП «ИжГорЭлектроТранс» юрттэмен.

Егитъёс озьы ик Кузебай Герд нимо гимназиын площадка радъялозы. Со нуналэ быдэс Удмурт Элькунысь люкаськем нылпиос аспӧртэмлыко «УДМУРТ in the future» тренинге пыриськыны быгатозы. Нылпиос удмурт адямиез дас ар ортчыса син азязы пуктыны тыршозы.

Берпуметӥез чаклам ужрад ортчоз 17 часын 30 минутэ Эшъяськон юртын. Та ӝытэ люкаськозы мадьяр, таджик, азербайджан, еврей, армян, ӟуч выжыосысь адямиос, кудъёсыз верасько яке дышето удмурт кылэз. Лыктэмъёс тодозы котькудӥзлэсь удмурт кыллы синмаськон историзэ. Ужрад ортчоз Йӧскалык политикая министерстволэн, Эшъяськон юртлэн, «Удмурт кенеш» огазеяськонлэн юрттэменызы.

Со сяна, пӧртэм пумиськонъёс ортчозы «Шунды» огазеяськонлэн ёрос ёзэтъёсаз но. Кылсярысь, Грак ёросын пумиськозы Пуклё но Мари-Возжай школаосысь бадӟым классын дышетскисьёс — удмуртъёс но поръёс.

Удмурт Дунне
By Удмурт Дунне 18 февраля, 2013 10:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<