Udmurt Folk Area паськытоме

Удмурт Дунне
By Удмурт Дунне 26 февраля, 2013 12:04

Udmurt Folk Area паськытоме

Анатолий Галиханов «Манежын»

Анатолий Галиханов «Манежын»

Шумпотэ! Мускоысь «Манеж» адӟытон юртын удмуртъёслы данъяськымон, быдэс дуннелы учкымон ужрад ортчиз.

«Зодчество — 2012» фестивальлэн лэсьтӥськон но чеберъян удысысь йылпумъянъёсыз оскыто: Россиысь но кунгож сьӧрысь архитектуралэн тусыз удмуртъёстэк быдэс ӧвӧл.

Кызетӥ юбилей фестивальлэн валтӥсь малпанэз — «Выль». Радъясьёс осконъёссэс шараязы: «Али вакытэ котьма вылез ӵуказеяз утыр вуж луэ ке но, ми калык азе мае ке зэмос выльзэ поттыны ум кышкаське. Юртъер пуктонын но карлэсь туссэ кылдытонын Россия котьку золгес сюлмаськиз туннэ нунал сярысь. Вуоноез асьмелы укыр кыдёкын потэ, лэся».

Экспозицилэсь вылтуссэ дасязы арт-инсталляциен ужась тодмо суредасьёс В. Савинкин но В. Кузьмин.
Адӟытонъёс пӧлы сюризы пӧртэм проектъёс, огез сӥземын вал пиналъёслы. Россиысь куамын школаосысь архитектуралы но дизайнлы дышетскись нылпиос люкаськизы, соос пӧлын котьку сямен ик «Пурга кизилиос» дышетскон юртысь усточиос. Кылем арын та ӵошатсконысь соос «Silent Woo Goore ошмесо тусбур» ужзы понна азвесь медален бертӥзы. Таяз арын жюри эшшо золгес ушъяз. Пиналъёс понна нимысьтыз ужпум пуктэмын вал: суред пыр валэктоно но усьтоно крезьгур темаен герӟам шуг-секытэз — туала вакытэ уг тырмо фольклор но мукет фестивальёс понна нимысьтыз радъям интыос.

Анатолий Галиханов педагогзы юрттэмен «Пурга кизилиысь» пиналъёс Udmurt Folk Area нимо проект малпазы. Та ужез соослы син азязы пуктыны юрттӥз Лудорвай музей. Егит архитекторъёс сюлмысь тыршизы. Эрико малпанъёссэс яркыт тодметъёсы пыӵатыны быгатӥзы: «Тангыра» капкаетӥ кырӟан бусые сюрыны луэ, татын ик интыяськемын удмурт батыръёслэн пантеонзы, палаткаослэсь кар, командаен шудонъёслы тупась луд, парковка, гань-гань шутэтскон инты но мукет.

Озьы пургаослы вуиз «Зодчество» фестивальлэн бадӟым дипломез, Архитекторъёслэн огазеяськонзылэн Данъян грамотазы но Я. Чернихов нимо калыккуспо фондлэн нимысьтыз дипломез.

Анатоль Шэри

Удмурт Дунне
By Удмурт Дунне 26 февраля, 2013 12:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<