Тулыс азьын

Удмурт Дунне
By Удмурт Дунне 27 февраля, 2013 10:08

Тулыс азьын

gurtТуэ тулыс Удмуртиын чакламын 503 сюрс гектар ю культураос кизьыны. Со сяна, 73 сюрс гектар бусыос кын улэ киземын вал. Экспертъёс эскеремъя та дырлы юос толэз умой пото.

Гурт удысъя но сиён-юонъя министрлэн воштӥсез Аркадий Малков ивортэмъя, тулыс ужъёслы дасяськон чакламъя мынэ. 90 процентэз кидыс вуттэмын ни, техника — 72 процентэз. Кизён дорозь дыр кылемын на, соин ик, чырткем кариськыса, трактор-машинаосты, гырон-кизён агрегатъёсты тупатыны луоз на.

Секытгес югдур кизер эстӥськонэн. Со 10-12 сюрс тонна кулэ луоз. Нош та дырлы 1200 тонна сяна ӧвӧл. Тодмо ни, кизер эстӥськон басьтонлы Удмуртилэн но Россилэн бюджетъёсысьтызы 1 миллиард манет пала висъяськоз. Сое висъяны чакламын 1-тӥ кварталэ, но вуоз-а со ваньмыз дыраз, министерствоын та дырлы шугъясько валэктон сётыны.

Сюлмаськыто сылало ватсэтъёс но. Али соос республикаын 4,5 сюрс тонна. Асьме шаерын гектарлы быдэ шорлыдын 10-12 килограмм кутӥське ке, валамон ни удобрениос ӧжыт. Узыр хозяйствоос гинэ гектарлы быдэ 120 килограмм поттыны быгато. Но наука куремъя со но ӧжыт ай, кулэ 300 килограмм. Кытысь гурт предприятие сомында коньдон шедьтоз? Вылаз ик сылало ватсэт понна компенсация берыктӥське берло, сое басьтэм бере гинэ. Нош ку со «берло» — тодмо ӧвӧл. Ю тысь люканъя план туэ бадӟым: кутсано 650 сюрс тонна. Кылем арын республика люказ 340 сюрс тонна. Пуктэм ужпумъёсты быдэстон понна ужано, технологиосты лыдэ басьтыса.

Иван Аркашев

 

Удмурт Дунне
By Удмурт Дунне 27 февраля, 2013 10:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<