Сяська но табыш

Удмурт Дунне
By Удмурт Дунне 8 февраля, 2013 10:02
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Сяська но табыш

Тулыс вуэ сяськаен

Тулыс вуэ сяськаен

15 ар ӵоже ини шаерысьтымы сяська будэтӥсьёс калыкез «Удмуртиысь сяськаос» адӟытонэн паймыто. Розаос, лилиос, хризантемаос, орхидеяос, герберъёс — кыӵе гинэ сяськаос ӧз пиштэ, ӧз мальдытэ синэз!

Паймоно кадь, дас вить ар ӵоже Удмуртиысь ӧнерчиос выль но выль сяськаосын, будэтон амалъёсын тодмато. «Цветы Удмуртии» компанилэн кивалтӥсез Марат Аухадеев шумпотыса пусйиз: берло дас ар куспын элькунамы будэтэм сяськаослэн лыдзы сизьым но ӝыны пол йылӥз.

Та герӟаськемын огъя Россиын сяська будэтонлы висъям музъемъёслэн паськытаменызы но. Тросаз улосъёсын та удыс куашкамын ке, Удмуртия — азьмынӥсьёс пӧлын. Шаерамы тодо: чебереныз бордаз кыскем сяна, сяська табыш поттыны юрттэ. Сяськаос но бизнес огазеясько шуыса валамон луиз, йӧно куноосты синйылтыса но.

Адӟытон усьтӥськемен ӟечкылан кылъёс вераз Правительстволэн тӧроез Юрий Питкевич. Со агрономъёслэн но чеберъясьёслэн ужзылы синмаськемзэ вераз. Сюлэмъёстэс сяськаосын ӵошатыны луэ, шуиз.

Голландиысь вуэм Мартин Бутер «Цветы Удмуртии» компанилэсь ужзэ ушъяз. Кыдёкысь вуэм куно пальпотэ: Нидерландыез тодо тюльпанъёсъя. Берло дыре Россиын будэтэм сяськаос но адӟем карымон луо ни. Калыклы одно ик чеберзэ, тунсыко дизайнэн кылдытэмзэ возьматоно, пусъе Мартин.

Аспӧртэм сяськаосты учкыны, кидыс басьтыны луоз, толэзь йылпумъяськытозь.

Елена Петрова

Туспуктӥз Владимир Беломорских

Удмурт Дунне
By Удмурт Дунне 8 февраля, 2013 10:02