«Кенеш» журнал пьесалы конкурс ялэ

Котьку сямен ик «Кенеш» журналлэн редакциез туэ но аслаз лыдӟисьёсызлы дася аспӧртэм номер. Таӵезэ поттыны курыса туж трос вазиськисьёс вал ини. Гурт клубъёсын возьматоно кадь одӥг актъем пьесаосты но сцена вылысен вераны ярамон веросъёсты со огазеялоз. Номере, мӧйыослы гожтэм ужъёс сяна, нылпиослы чакламъёсыз но пырозы.

Таӵе аспӧртэм номерез дасянэ редакция пыриськыны ӧте писательёсты, журналистъёсты, журналлэсь лыдӟисьёссэ но вань мылкыд карисьёсты, соин валче тужгес ӟеч гожтэм одӥг актъем пьесалы но сцена вылын верано кадь верослы конкурс ялэ.

Куинез тужгес усто гожтэм ужъёс коньдон премиен пусъемын луозы. Редакция конкурсэ ыстэм ужъёсты гудырикошкон толэзёзь возьма.