Милям пужымъёсмы самой ӝужытэсь!

Удмурт Дунне
By Удмурт Дунне Февраль 12, 2013 13:37

Милям пужымъёсмы самой ӝужытэсь!

Якшур-Бӧдья ёросысь                Тыло школаысь Ю. Лукина

Якшур-Бӧдья ёросысь Тыло школаысь Ю. Лукина

Кылем арня пумын Удмуртилэн Президентэзлэн резиденцияз люкаськылӥзы шаерысьтымы визьмо, сэзь егитъёс — дуннеын, Россиын, шаерамы ортчылэм олимпиадаосын но конкурсъёсын вормисе потэмъёс.

Арлы быдэ Россилэн Президентэзлэн указэзъя 5 сюрс 350 тужгес адӟем карымон егит нылъёсты но пиосты 60 сюрс но 30 сюрс манет премиен пусъё. Шумпотоно, шаерысьтымы егитъёс котыр ласянь визьмынызы висъясько. 2009-тӥ арын коньдон кузьымен 65 мурт пусъемын вал ке, кылем арын соослэн лыдзы 85-ёзь йылӥз. Пӧлысьтызы 18 мурт 60 сюрс манетэн пусъемын.

Якшур-Бӧдья ёросысь Тыло школаысь 11-тӥ классын дышетскись Юлия Лукина пужым сярысь кылбуреныз Россиысь конкурсын куинетӥ интые потӥз.

— Гуртмы котырысь пужымъёсты эскереммы бере дышетӥсьмы сочинение гожтыны косӥз, — вера Юлия Лукина. — Сочинениме кылбурен гожтӥ. Шаерамы ортчем конкурсын вормеме бере сюрес усьтӥськиз Москвае. Аслэсьтым ужме отын но умой возьматыны быгатӥ. «Мынам пичи шаере» вожвылъяськонлэн «Инкуазь, культура но этнос» люкетаз куинетӥ инты басьтӥ. Туж шумпотӥ. 30 сюрс манетэным машина нуллон праволы дышетскыны быгато.

Гуртысь нылаш инкуазен, шаертодонэн ньылетӥ арзэ тунсыкъяське. Басьтэм вормонъёсыныз уг буйгатскы. Тыло палась пужымъёс, пе, 200 арлэсь но кема будо ни. Соослы синпелет кылдытон сярысь малпанъёс Юлялы маза уг сёто. Дышетӥсеныз Галина Опаринаен ӵош выль гурезьёсты вормыны со дась.

Валентина Емельянова

Туспуктӥз Владимир Беломорских

Удмурт Дунне
By Удмурт Дунне Февраль 12, 2013 13:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<