Мар со швединг?

Удмурт Дунне
By Удмурт Дунне 26 февраля, 2013 12:15

Швединг (sweding) — со тодмо киноослы ремейк лэсьтон. Та кылэз Франциысь режиссёр Мишель Гондри малпаз. Али шведингъя фестивальёс Донецкын но Днепропетровскын ортчыло. Кылем арняе кылдӥз «Шаркан швединг» но.

Шарканысь егитъёслэн «Зангари» центрысьтызы ӧнерчи Павел Перевозчиков кемалась киноен висе. Выль малпам ужрадэзлы ёросын шумпотӥзы: 18-тӥ тулыспалэ предприятиос но огазеяськонъёс пӧлысь сизьым команда люкаськиз, йылаз-пумаз ньылез вуиз. Паша дэмлаз тодмо киноосты бырйыны, соос пӧлы пыризы: «Матрица», «Терминатор», «Титаник», «Операция «Ы», «Кавказская пленница» но «Самогонщики». Нырысетӥ инты басьтӥзы ёросысь газовикъёс. «Газмяс» командаысь куинь пияшъёс синмаськытӥзы «Кумышка пӧзьтӥсьёс» уженызы. Мылкыдзэ вера Бывалыез шудӥсь Владимир Созонов:

— Милям командамы — Шарканысь газ участокысь. Ачим слесарь луыса ужасько. Ремейкмес туж капчиен лэсьтӥм, ог-огеным огкыл ӝог шедьтӥм. Та милям нырысетӥез киномы, отӥяз, оло, удмурт кылын но лэсьтом. Шумпотӥсько, учкисьёсмылы яраз шуыса.

Кыкетӥ интые потӥзы ёрос культура юртысь но администрациысь ужасьёс, соос «Титаник» киноез дасяллям. Валтӥсь ролез, Леонардо Ди Каприо кариськыса, Гоша Гуменников шудӥз. Та пияш тодмо «Порозмафи» огазеяськонэ пыриськеменыз, удмурт позыръяськонъёсын диджей луэменыз. Гоша КВН шудонлэсь уг ӵыды. Комедия шӧм пыртӥз выйись лайнер сярысь короткометражкае но.

— Туж оскисько, любительёслэн кинематографсы ёросамы но, быдэс шаерамы но азинскоз, — вера Павел Перевозчиков. — Туж сюлмаськи, ӧй оскы, ӟеч ужъёс пӧрмозы шуыса. Шумпотыса паймемме верасько: ваньмыз усто адскиз! Куд-ог ужъёс зэм но золэсь. Кыкетӥ ӵошатскон одно радъялом.

Елена Петрова

Удмурт Дунне
By Удмурт Дунне 26 февраля, 2013 12:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<