Мадьяръёсын кусып муроме

Удмурт Дунне
By Удмурт Дунне 27 февраля, 2013 09:58

Мадьяръёсын кусып муроме

izhgtuИжевскысь Михаил Калашников нимо техникая Кун университетын ӵем кылоно пӧртэм кылъёсын вераськонэз. Татын Германиысь, Венгриысь, Словакиысь, Чехиысь, Египетысь, Сириысь но мукет матысь но кыдёкысь кунъёсысь студентъёс но преподавательёс.

Нош таяз толэзе кык арня ӵоже чузъяськиз мадьяр кыл. ИжГТУ ас дораз куное ӧтчаз Венгриысь Печ городысь Технологиосъя университетысь делегациез. Кунгож сьӧрысь егит куноос тодматскизы Ижевскысь вузлэн улэм-вылэменыз, дышетскон программаосын, луонлык утчазы магистатурая яке аспирантурая стажировкаез асьме дорын ортчыны. Тодматскизы Удмуртилэн шоркареныз, вуылӥзы Лудорвайысь музее, пыразы М. Калашников нимо музей-комплексэ, экскурсиен ветлӥзы Казане, тодматскизы дуннеысь студентъёслэн 27-тӥ Универсиадазы ортчоно интыосын. Мадьяр студентъёслы кельшем асьме дорын.

ИжГТУ-ысь дышетонъя но наукая проректор Александр Еленский верамъя, Печ городысь университет но асьме вылӥ дышетсконни азьвылгес ик шунытэсь кусыпъёс радъязы ни. Юнме шат отысь вице-ректорлы Роберт Габриельлы но профессорлы Йожеф Орбанлы ИжГТУ-лэн дано профессор ним сётэмын.

Иван Аркашев

Удмурт Дунне
By Удмурт Дунне 27 февраля, 2013 09:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<