Кылъёсты тодон мултэс уз луы

Удмурт Дунне
By Удмурт Дунне 27 февраля, 2013 10:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылъёсты тодон мултэс уз луы

festival22-тӥ тулыспалэ Ижкарын Кылъёсъя II фестиваль ортчиз. Со Анай кыллэн калыккуспо нуналэзлы сӥземын вал. Ужрадэз ортчытӥзы Улосэз азинтонъя институт, егитъёслэн «Вместе» огазеяськонзы но Ижысь промышленностья но экономикая колледж.

Кылъёсъя фестивальлэн дышетскон люкетаз 30 минутъем урокъёс ортчизы, лекторъёс тодматӥзы кылъёсын, соослэн аспӧртэмлыкъёсынызы.

Фестивальын возьматэмын вал 12 кылъёс: удмурт, ӟуч, немец, англи, араб, мадьяр, азербайджан, армян, китай, финн, поляк, индонези. Огвакытэ ньыль кылъя ньыль занятие мынӥз, озьыен котькуд кунолэн луонлыкез вал сётэм кылъёс пӧлысь куинь кельшисеныз тодматскыны.

Фестиваль йылпумъяськиз шулдыр эктонъёсын! Вань мылкыд карисьёс тодматскизы шаерамы улӥсь калыкъёслэн лулчеберетэнызы, сямъёсынызы. Нунал пайдаё но тунсыко ортчиз. Выль тодонъёс басьтэм сяна, выль тодмоос кылдӥзы! Вуоно аре Кылъёсъя фестиваль нош ӧсъёссэ усьтоз!

Мария Золотарёва
Туспуктэмез: vk.com/razvitieregiona

Удмурт Дунне
By Удмурт Дунне 27 февраля, 2013 10:45