Куинь айшет

Удмурт Дунне
By Удмурт Дунне 12 февраля, 2013 10:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Куинь айшет

"Чебер апайёс" ансамбль

«Чебер апайёс» ансамбль

Азьло дыре бызись ныллэн куинь ке но айшетэз медло вылэм. Куэм азькышетсэ шортдэремез вылэ, дыр, дӥсялоз. Утись шунды но кизили тусэн пужыятэменыз калык пӧлы потоз. Чильпам дуро тӧдьы айшет вылын яркыт буёло легезьпу сяська — выль кен сое керттоз куно пумитаны.

Айшет вӧзы кык-куинь куэм дэрем, буртчин кышет луоз на. Тӥни сыӵе вылэм ныллэн байлыкез.
Мон ачим вордӥськемын Дэбес палъёсын, нош бызи Кияса ёросэ.  Уйпалъёслэн но лымшоръёслэн дӥськутсы, айшетъёссы пӧртэмесь. Картэлэн анаез мыным кузьмаса кельтӥз уксётӥрлык, дэра дэремъёс но айшетъёс. Выльёссэ но вури ни сандык пушкам  кыллись азвесь сӥньысэн дуръям пужыё дэра кесэглэсь.

Гуртамы дас ар талэсь азьло кылдӥз «Чебер апайёс» фольклор ансамбль. Мон но отчы пыриськисько. Чеберлы куинь пӧртэм айшетъёсы вань. Кылбур, кырӟан гожъясько. Картэлэсь анайзэ буре вайыса но айшетэз данъяса, алигес  кырӟан пӧрмытӥ нылпи садамы ветлӥсь покчиос понна.

Выль азькышет
Толон гинэ анае
Мыным выль айшет вуриз.
Нош бадӟымез апае
Сяськаос пужыятӥз.

Припев:
Учке али тӥ монэ,
Дӥсяй ни тани туннэ.
Азькышетэ, айшетэ
Мыным туж чебер потэ.

Синмаське песятае,
Вожъяське песянае:
— Сётъялод шат
керттыны
Одӥг-ог, нуныкае.
Припев:

Йырам кышет керттыса,
Атлас дэрем дӥсяса,
Ӵужае доры мыно,
Мон солы куно луо.
Припев:

Евгения Анисимова,
Кияса ёросысь Вуж Тӥгырменын улӥсь

Туспуктӥз Мирела Мазур

Удмурт Дунне
By Удмурт Дунне 12 февраля, 2013 10:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<