Кин Граке, кин Красноярске

Удмурт Дунне
By Удмурт Дунне 21 февраля, 2013 16:51

Кин Граке, кин Красноярске

Гурт тол шудонъёс (Кез каргурт, 2010)

Гурт тол шудонъёс (Кез каргурт, 2010)

27-тӥ февральысен 2-тӥ мартозь Грак черкогуртын 19-тӥ Гурт тол шудонъёс ортчозы. Бадӟым ужрадэ сюрс пала спортсменъёс но судьяос люкаськозы. Туннэ нуналлы вань объектъёс куно пумитаны дась. Ӵошатскон 9 амалъя ортчоз. Нимысьтыз пусйыны кулэ хоккеен шудонэз. Азьвыл аръёсы финалэ потэ вал 4 команда гинэ лыктэ вал ке, туэ 6 команда вормон понна нюръяськоз. Арысь аре шедьылӥзы Эгра, Глаз, Дэри но Вотка ёросъёсысь хоккеистъёс, соос вӧзы туэ итӥськозы Якшур-Бӧдья но Пичи Пурга ёросъёсысь командаос.

Ӵапак та вакытэ ик Красноярскын ортчозы Россиысь 6-тӥ Гурт тол шудонъёс. Удмуртиысь команда 7 амалъя кужымзэ эскероз. Шаермылэсь данзэ утёзы куать муниципал кылдытэтъёсысь гурт удысын ужасьёс. Механизаторъёслэн ӵошатсконазы кужымзэс эскерозы Юкаменскысь воргоронъёс, скал кыскисьёс пӧлын вожвылъяськозы та ёросысь ик Засеково гуртысь нылкышноос, Пышкизьын улӥсьёс ӵошатскозы полиатлоныны, шарканъёс куасэн бызьылозы, Ува ёросысь Удугуртын улӥсьёс шашкиен шудозы, эграос спортъя ориентирование пыриськозы. Та спортсменъёс 25-тӥ феврале кузь сюрес вылэ потозы.

Валентина Емельянова
 Туспуктӥз Владимир Беломорских

Удмурт Дунне
By Удмурт Дунне 21 февраля, 2013 16:51