Историкъёс сютэм уз кыле!

Удмурт Дунне
By Удмурт Дунне 27 февраля, 2013 09:18

Историкъёс сютэм уз кыле!

shkolaРоссилэн Президентэз В. Путин мылкыдзэ вераз историяя учебникъёс пумысен, шуиз соосты выльдоно! Книгаос, пе, огшоры валамон кылын гожтэмын но одӥг «мылкыдъемесь» мед луозы.

Туала учебникъёс пӧртэм турлыесь. Историысь одӥг вакыт ик пӧртэм сямен отын возьматэмын. В. Путинлэн верамезъя, ортчемезлы тыро-пыдо дунъет сётыны нокин уз быгаты. Но тодын возёно: Россилэн котькуд вамышез лэсьтэмын, пӧртэм калыкъёслэн сям-йылолъёссы, культуразы вылэ пыкиськыса.

Президент лыдъямъя, выль дышетскон пособиосты дасян бордын Дышетонъя но наукая министерствоен но Россиысь Наукаосъя академиен ӵош ужаны быгатозы Россиысь историен герӟаськем общественной огазеяськонъёс но.
В. Путинлэн малпанэныз быдэсак соглаш луэ Кун Кенешысь Наукая, дышетонъя, культурая но егитъёсын ужан политикая ялан ужась комиссилэн кивалтӥсез Наталья Сударикова:

— Историен одӥг дышетӥсьлэсь юасько, кельшо-а солы туала учебникъёс. Со меӵак шуиз: соосъя ужатозямы, мон сютэм уг кыльы. Угось али, пе, историяя репетиторъёслы кулэяськисьёс тачак — мудрон кылын гожтэм учебникъёсты тросэз школьникъёс уг валало. Малпасько, сомында турлы книгаослэн кулэлыксы чик ӧвӧл, но кык-куинез мултэс уз луы — визьнодась дышетон программаез ачиз бырйыны мед быгатоз.

Элина Кумачёва

Туспуктэмез: www.uralschool.ru

Удмурт Дунне
By Удмурт Дунне 27 февраля, 2013 09:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<