Гажанэдлы кузьма лы!

Удмурт Дунне
By Удмурт Дунне 26 февраля, 2013 12:34
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гажанэдлы кузьма лы!

udmurtyosТулыс вуэ. Небӟем-каньсырам музъемез нош ик пужмертӥз ке но, тулыс татын ини, ческыт зынзэ шӧдӥсько.

Со туж синмаськымон: лапег гинэ нылмурт, пичи ӵуж керттэм изьыен, вакчи юбкаен, пыдаз мусо катаос, мыныкуз тук-тук вазё. Тулыс яратэ пальпотыны, малы ке шуак ӵыжектэ — возьдаськеменыз, дыр.

Шӧдӥды-а, удмурт егитъёс проза гожъяны кутско. «Кылбуретка» гинэ уг азинскы, каллен-каллен пучыяське мадён кыл. «Мыдлань» но «Айшет» вотэс-дневникъёс, Андрей Гоголевлэн выль романэз, Выль Утчан гуртысь Анна Шарыповалэн веросэз — ваньмыз та, тугокое кадь, огазе пунӥське. Армиысь гожтэтъёс-поэмаос вуо.

Блоггеръёслэн ӵошатсконзы пуроме. Семён Семёнов vc. Юлия Никитина: кин тросгес куара люкалоз? Берпуметӥзэ эскерыкум, Юлялэн блогез ворме вал. Паймонэз но ӧвӧл. Туэ перо куто нылкышноос. «Удмурт дунне» редакциын но — «кышномурт ферма». Кин меда 8-тӥ Мартэн ӟечкылалоз ни…

Вотэсын серемес суредъёс ветло ке но («мон солы — айпад, со мыным — носки!»), воргорон но нылкышно праздникъёсты палэнэ кельтыны уг яра. Мугзы ӟеч йыртӥянлы пӧрме ук! Мар меда кузьмано шуыса ветлонъя кыӵе но шедевръёс уг кылдо. Шуом, Ижын вузасько удмурт майталъёс, сюсьтылъёс, ӟечкылан открыткаос. Пиосмуртъёс быгато кузьманы Полина Кубисталэсь удмурт чыртывесь-сирессэ яке Киужъёсъя элькун юртысь лы пель угы, «вашкала» ыргон зундэс. Котьку шумпотоно сяськаослы — та понна ведь вань «Италмас» салон. Эшшо тунсыко кузьымъёс пӧлын, шуом, «Удмурт дуннелы» гожтӥськон!

Мар та?! Шуак редакцие Баграш-Биграысь апайёс пыризы — яркыт бубылиос выллем, удмурт дэремъёсын бергало. Иже юромо Анай кыллэн нуналаз вуим, пе. Али гинэ удмурт трамвайысь васькыса, лыктӥллям. Тумошо ук та. Котькуд воргорон доры 23-тӥ феврале таӵе удмурт апай мед вуылоз вылэм. Брангурт песянайёс кадь, кырӟанэн-пыжиськемен ӟечкыласа ветло, пе. Удмурт воргоронлэн улонэз шулдыр луысал соку.

Праздникен, дуно воргоронъёс! Вуоно 8-тӥ Мартэн, мусо апайёс!

Дарали Лели

Удмурт Дунне
By Удмурт Дунне 26 февраля, 2013 12:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<