Гажан но дунъян

Удмурт Дунне
By Удмурт Дунне 18 февраля, 2013 15:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гажан но дунъян

bogomolova«Удмуртия» издательствоын потӥз «Родник вдохновения» книга. Сӥземын со кунысьтымы тодмо но дано адямилы, литературоведлы Зоя Богомоловалы.

Зоя Алексеевналэн одӥгез бадӟым ужез вал творчество удысысь нылкышноослэсь федерацизэс кылдытон — туэ солы кызь ар тырмиз. Федерацилы сӥзьыса, малпамы вал книга поттыны. Ӧм вуэ — Зоя Алексеевна улонысь кошкиз. «Родник вдохновения» книгае пыртэмын статьяос, очеркъёс, вакчи веросъёс, тодэ ваёнъёс — ог 180 пала авторъёслэн гожъямъёссы. Тросэз соос нылкышно федерацие пыриськемъёс. Пӧлазы З. Богомолова, Э. Борисова, З. Поскрёбышева, А. Евсеева, Н. Бочкарёва, А. Верина, Е. Красновская, М. Гаврилова, А. Сидорова, Ф. Агафонова, О. Парфёнова но мукетъёсыз. Азькылзэ но йылпумъянзэ гожтӥз книгалэн редакторез В. Ившин.

З. Богомоловаез гажамзэс, дунъямзэс, вылӥе пуктэмзэс вераса гожтӥзы Москваын улӥсь но ужась писательёс В. Ганичев, Н. Иванов, М. Зубавина, Г. Немченко но мукетъёсыз Кыл вератэк ӧз кыле асьме писательёс, культура но наука удысын ужасьёс Е. Загребин, В. Ванюшев, В. Владыкин, А. Шкляев но трос мукетъёсыз.
Книгаен тодматскон ортчиз М. Калашниковлэн музейысьтыз пичигес залын. Вань мылкыд карисьёс пырыны ӧз быгатэ. Книга пумысен но гожтӥсьёс сярысь мылкыдъёссэс уно мурт вераз. Чузъяськизы кылбуръёс.

«Родник вдохновения» книга узырмытӥз книга лыдӟыны яратисьёслэсь ӝажызэс, со озьы ик возьматӥз лыдӟисьёслэсь но литература удысын тыршисьёслэсь Зоя Алексеевнаез гажамзэс но дунъямзэс.

Милитина Решитько
Туспуктэмез: kultura.udmurt.ru

Удмурт Дунне
By Удмурт Дунне 18 февраля, 2013 15:22