Эчешонъёс кылэз волято

Удмурт Дунне
By Удмурт Дунне 5 февраля, 2013 14:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Эчешонъёс кылэз волято

Пурга команда (вормисьёс) Алина Черепановалы сётъя

Пурга команда (вормисьёс) Алина Черепановалы юанъёс сётъя

4-тӥ тулыспалэ Ижкарын Гуманитарной лицейын бадӟым классъёсысь пиналъёс вискын «Дебаты» шудон ортчиз. Элькунамы турнир дасэтӥзэ радъяське ини. Таяз учыре ваче пумит луизы Пичи Пурга черкогурт гимназиысь, Ижысь Кузебай Герд нимо гимназиысь но Италмасысь лицей-интернатысь нылпиос.

Дебатъёслэн темазы ӟуч, англи, француз но удмурт кылын огкадь быръемын вал: «Россиысь вань егит пиослы армие ветлыны кулэ». Куинь муртъем командаос та малпанэз пыр-поч усьтыны тыршизы: огез таиз соглаш луэ, мукетыз — уг. Тунсыко, пиналлэн аслаз малпанэз та пумысен котьку уг тупа — озьы ке но со вольыт, чебер кылын командаезлэсь малпанзэ утьыны кулэ. Италмасысь Ирина Демьянова, Люба Ипатова но Паша Вахрушев нырысьсэ шудӥзы, командазэс дасяз Улосэз азинтонъя институтлэн кивалтӥсез Юлия Никитина. Пичи Пургалась Даниил Герасимов, Таня Кондратьева но Катя Сухова Александра Герасимова дышетӥсенызы вуизы. Кузебай гердъёсты — Диана Булдаковаез, Алина Черепановаез но Лена Пермяковаез — валтӥз Надежда Демакова. Ньылетӥез команда (Ижкарысь 56-тӥ гимназия) висьыны усем. Шудӥсьёсты судъязы азьвыл шудэмъёс: удмурт кун университетысь удмурт кылосбур факультетын дышетскись Анастасия Петрова, Марина Федосеева, история факультетысь Алла Лебедева, озьы ик ачиз кичӧлтӥсез, Гуманитарной лицейысь дышетӥсь, «Выжы» ассоциацилэн тӧроез, Ангелина Ефремовна Решетникова.

Шудэмъя адскиз, пиналъёс туж рос-прос, тыршаса дасяськиллям, дышетӥсьёссылэн ужамзы шӧдӥське. Пусйыны кулэ, «Дебаты» — со школаосмы понна выль амал, али гинэ пыӵаны кутскиз ай. Калык азьын вераськыны быгатэмез сяна, со пӧртэм быгатонлыкъёсты волятэ, командаын ужаны, дӥсьтӥсь но шара луыны дышетэ. Озьы ке но, удмурт эчешонъёслэн мылкыдзы мыным укыр секыт потӥз. Нырысь ик валано — та шудон гинэ. А. Герасимова ас ёросазы ортчытэм турнир сярысь вера:

— Кӧтӝожъёс но, шумпотонъёс но вал. Куартолэзе удмурт кылъя дышетӥсьсты шудыны дышетӥм ке (Ижкарысь 56-тӥ гимназиысь Татьяна Юмина ветлӥз), сӥзьыл ёрос «Дебатъёсын» пиналъёсты выль технологиен тодматӥм ни. Дорамы Аксакшур, Гожня, Бигра вуизы. Ёрос турнир — со маке выль, кӧшкемыт. Удмуртлэн сямыз адӟиськиз. «Городын улыны умойгес» шуыса верасьёс вормизы, нош гурт понна дур басьтӥсьёс… бӧрдизы. Малпаськом, вуонояз та шудонэз арлы быдэ ортчытъяломы. Кыскыны тыршом лымшор ёросъёсысь школаосысь пиналъёсты но!

«Дебатъёсын» шудӥсьёс — со вуоно элита», — йылпумъяз юбилей турнирлэсь усьтонзэ «Дебаты» шудонэз нырысь Гуманитарной лицейын, собере быдэс шаерамы вӧлмытэм ӧнерчи Татьяна Митрошина. Финал шудонын егитъёслы ӵектэмын мукетыз тема — «Ижкарлы «Чайковский» бренд одно ик кулэ». Шудонлэсь радзэ но иворъёсты «Школьная лига дебатов в Удмуртии» нимо огинысь (vk.com/school_league_of_debates вотэсбамысь) шедьтыны быгатоды.

Дарали Лели

Туспуктӥз Роман Федотов

Удмурт Дунне
By Удмурт Дунне 5 февраля, 2013 14:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<