Диссертациосты плагиат ласянь Интернетын эскерозы

Удмурт Дунне
By Удмурт Дунне 18 февраля, 2013 17:16

Диссертациосты плагиат ласянь Интернетын эскерозы

medvedevПлагиат ласянь студент дипломъёсты но диссертациосты эскерон вылысь Россия Федерацилэн премьер-министрез Дмитрий Медведев 31-тӥ южтолэзьлы соосты эскерон радлыкез дасяны куриз.

Плагиатлы эскерись системаез улонэ пыӵатонъя планэз дасяны кулэ луоз дышетонъя но тодосъя министр Михаил Абызов, экономика азинтонъя министр Андрей Белоусов, — ивортэмын Правительстволэн сайтаз.

Диссертациосты Интернетэ поттонлэн кулэлыкез сярысь вераськиз ини вал ВАК-лэн тӧроез Владимир Филиппов. Солэн верамезъя, тодосъя ужъёс нимысьтыз форуме пуктэмын луозы диссертациез утемлэсь одӥг толэзьлы азьвыл, нош доктор ужъёсты пуктоно куинь толэзьлы азьвыл. Владимир Филиппов гуманитарной тодосъя но диссертациосты эскерон сярысь вераз.

Кун Думаысь депутатъёс Илья Пономарев но Дмитрий Гудков, ивортэ lenta.ru, кылдытӥзы «тодосэз фальсифицировать каронлы пумит Антиплагиат» комитет». Со VroniPlag немец сайт выллем луыны кулэ.

Удмурт Дунне
By Удмурт Дунне 18 февраля, 2013 17:16