Чурыт сэкей

Удмурт Дунне
By Удмурт Дунне 22 февраля, 2013 13:50

Венгеръёслэн Румыниын улӥсь люкетэз — сэкейёс — тодмо луо кужмо, ас калыксэс гажась сямынызы но пӧсь вирынызы. Сэкейёслэн чурыт луэмзы сярысь аспӧртэм анекдотъёс ветло. Сэкей воргоронлэн кисыяз одно ик паки пуртэз вань, со ӵемысь кышнозэ ултӥя, нош улонысь шуг-секытъёслы, пичи чыры-пырыослы сямен, уг паймы.

Пересь сэкей ӵукнаысен ик бадӟым писпуэз лусъе. Корка азяз бускелез дугдӥз но юа:
— Мар луоз та?
— Та, пие, кор луоз, — валэктэ сэкей.

Кӧня ке дыр ортчыса, бускелез нош ик корка азе дугдӥз но учке: пересь азьло сямен ик ужа, нош корез — пичигес но пичигес кыле.

— Нош таиз мар луоз? — юа бускелез.
— Та, пие, вайыж луоз.

Нуназеян вакыт сэкей пыдесозяз шелепъёс пӧлын пуке ни — вӧлэмысь ӧз на дугды. Бускелез нош ик пайме:
— Таиз мар луоз ни?
— Таиз, пие, пукон пыд.

Ӝыт пал пересьлэн котыраз шелеп гурезь быдӟа будӥз, озьы но ужзэ ӧз палэнты. Бускелез юатэк ӧз чида:
— Пукон пыдлы со укыр пичи ук. Мар луоз та?

Пересь:
— Та, пие, пиньын копаськон луоз… Нош ик кырыж ӧй ке шуккы…
* * *
Кык сэкейёс нюлэскын писпу корало. Пиез атаезлэсь пыдзэ ӵогыны шедьтэ. Соиз вазе:
— Арон… Эшшо огпол тазьы карид на ке, берпалад ӵыжо.
* * *
— Атай, та сливаенымы мар луоз?
— Анаед бурмиз ке — варення, ӧз ке — вина.
* * *
— Кызьы сэкеез Будапештысь шулдыръяськон паркын тодмалод?
— Сакырлэсь ватаез пуртэн вандыса сие.
* * *
Кӧй сэкей венгер ӵыжы-выжыосыз доры кунояны ветлӥз. Бертыкуз, кунгож пыр колбаса поттыны турттыса, соосты пукон улаз донгем. Таможенник юа:

— Марды ке таможняен эскероноез вань-а?
— Колбасае вань.
— Кытын?
— Со вылын пукисько…
— Ярам, — серекъяз таможенник. — Пуке.

Дарали Лели

Удмурт Дунне
By Удмурт Дунне 22 февраля, 2013 13:50