Ческыт тугоко

Удмурт Дунне
By Удмурт Дунне Февраль 5, 2013 11:38

Ческыт тугоко

tugoko14-тӥ феврале — Яратӥсьёслэн нуналзы. Тодмодылы ма кузьманы паймиськоды ке, ӵектӥськомы чебер но аспӧртэмлыко тугоко лэсьтыны.

Со понна кулэ: 9-15 шоколад конфет (нечётной лыдпус мед луоз), пластик посуда (майонез я мороженой посуда но яралозы), чилясь ӵуж бумага, яркыт чилясь лента, пенопласт, пу бодыос (бадӟым шпажкаос), кыкналасянь лякиськись скотч.

Пластик посуда  корзина интые кутӥське. Сое пенопластэн тырмытоно, вылзэ чилясь бумагаен шобыртоно, скотчен юнматоно но ленталэсь бантик думоно.

Конфетъёсты чеберманлэсь азьло чилясь бумагаез квадратъёслы вандылоно 15 сантиметр кузьдаен. Конфетэз пичи бумагалэн одӥг пал сэрегаз бинялтоно, нош кылем сэрегзэ пу бодыос борды юнматоно (суредын выллем). Бинялтэм интыосты векчи лентаен думоно. Чеберъяса дасям бодыосты пенопластэн тырмытэм посудае бышконо, кыӵе ке вож турын но ватсаны луоз. Ческыт букетэз котькыӵе арлыдо эштылы кузьманы быгатӥськоды.

Чильпырась чеберлык

Тулыс вуэмъя укно дурысь сяськаос улӟо, эркынгес интые курисько. Выль горшок асьме киын но лэсьтыны луэ. Со понна кулэ пластик бутылка но вуж диск.

Пластик ӟенеликез шортӥз вандыса, кык горшок кылдытыны луэ. Нырысетӥез — посуда пыдэслэсь. Дурзэ чебер вандыса, сое сюен тырмытоно но укно дуре пуктоно. Кыкетӥез — ӟенелик чыртылэсь. Сое ӵоктэтэн ворсано но диск борды клеен ляконо. Горшокез чебер карыны юрттоз яркыт буёл.

Пластик посудалэсь чебер сяська но лэсьтыны луэ.
Со понна кулэ: посуда пыдэс (1 сантиметр ӝужда, дуръёссэ сяська бурд выллем котыръяса вандоно), пластиклэсь вандэм сяська но весь пыры. Посуда пыдэслэсь но сяська бурдъёслэсь дуръёссэс  тыл вылын ӧжытак шунтоно. Озьы со чебер пеперске. Сяськаослэсь шорзэс, венен пасяса, весь пырыен, сӥньысэн юнматоно.

Валентина Кутузова

Удмурт Дунне
By Удмурт Дунне Февраль 5, 2013 11:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<