Армиысь кузьымлы бертылӥз

Удмурт Дунне
By Удмурт Дунне 20 февраля, 2013 14:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Армиысь кузьымлы бертылӥз

2

Р. Коновалов

Тулыспал толэзе Удмуртиысь Президентлэн резиденцияз сӥлы каризы дуннеын, Россиын но асьме шаерын пӧртэм олимпиадаосын но конкурсъёсын вормем усто егитъёсты. 2012-тӥ арын 85 муртлы премия сётэмын. Пӧлазы одӥг гинэ ожгар дӥсен воргорон — Ува ёросысь Сям-Можга гуртын вордскем Роман Коновалов. Со та ужрадэ армиысь ӧтемын вал.

Кылем арын июнь толэзе Уваысь колледжын ортчиз «Гурт удысысь тракторист-машинист» олимпиада. Та вожвылъяьконэ пыриськизы 15 училищеосысь вуоно механизаторъёс. Роман ваньзэс азьпалтӥз но вормисе потӥз.

10 нунал ортчыса, со пыриськиз ни Россиын та выллем ик радъям ӵошатсконэ. Тамбов улосын ортчем ужрадэ люкаськылӥзы 21 улосысь асьсэ дорын нырысетӥ интые потэм студентъёс-механизаторъёс. Тужгес но кыдёкысез лыктэмын вал Туваысь.

— Техника асьме дорынлэсь мукет вал: огдыре трос ужъёсты быдэстыны быгатӥсь К-744 трактор. Ярам коть, тодматскыны одӥг час сётӥзы. Со ик юрттӥз, дыр, — валэктэ Роман.

Ворттылонъя но гыронъя улосчимы ваньзэ азьпалтӥз, но теориен одӥг баллы бере кылиз. Озьы кыкетӥ луиз. Егит воргоронлэн мылкыдыз ӧз кушка. Угось Россиын азьмынӥсьёс пӧлы сюрон — со азьлане бадӟым вамыш ни.
Роман Коновалов пичи дырысеныз ик тракторен ворттылыны дышиз. Атаезлэн, Иван Владимировичлэн, крестьян-фермер хозяйствояз трос техникаез. Пизэ со котькыӵе ужлы дышетӥз. Нош МТЗ-80 выль трактор басьтэмзы бӧрсьы Роман солэн кузёез луиз кадь. Соин ик рос-прос тракторез дышетыны кутскиз, училищее пыриз. Та вормонъёсыз понна со тау каре атаезлы но Ува колледжысь кивалтӥсьёслы но дышетӥсьёслы. Озьы ик армиысь дораз бертылыны луонлык сётэм офицеръёслы.

— Удмуртиысь ӧтён вуиз но, частьын нокин пумит ӧз кариськы. Тросэз паймизы-ай, олимпиадаосын вормемъёсме тодыса, — шуэ ожгарчи.

Роман 7 толэзь ӵоже ини службазэ нуэ Таджикистанын, Душанбе городын. Туж ӝог дышиз гаубица орудилы, угось со тракторлы матын. Армиысь бертыса, егит пияш малпа Ижевскысь гурт хозяйствоя академие пырыны. Но нырысь службаез ортчоно, пе, дораз 15 нунал шутэтскыса, сюрес вылэ выльысь потоно.

Иван Аркашев
Туспуктӥз Владимир Беломорских

Удмурт Дунне
By Удмурт Дунне 20 февраля, 2013 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<