25-тӥ тулыспал — 3-тӥ южтолэзь

Удмурт Дунне
By Удмурт Дунне Февраль 22, 2013 14:05

Така. Документъёстэс, кредит картаостэс пыдлогес утялтэ. Арнялэн нырысетӥ нуналэз урод кутскоз но ӟеч йылпумъяськоз яке умой кутскоз но ӝытлань алама луоз. Трос калыко интыостӥ эн ветлэ. Ужан амалъёстэс, радлыктэс воштыны выремды кивалтӥсьёслы уз кельшы. Пумиськонъёс чакламъя уз мынэ. Арня пумын шыпытак шутэтскыны уз пӧрмы.

Ош. Конкурсъёсын вормисе уд потэ, капчиен узырмыны уз пӧрмы. Осконтэм ужъёсын эн выре. Тазалыкты уз шугъяськыты. Та нуналъёсы уката зол ужалэ, кылем-мылем ужъёстэс пумозяз вуттэ. Тыршемдылэн емышез кельшоз асьтэлы но, ушъялозы кивалтӥсьёсты но. Арнянуналэ курытсэ эн но зынъялэ.

Кыктоос. Ужъёсты трос люкаськизы. Соосты дыраз быдэстыны люкетозы пӧртэм чыры-пырыос но ӝеганъёс. Лушкем малпанъёсты шараяськозы, соин но керӟегъяськоды. Пӧзись мылкыддэс мукетъёсыз вылэ эн кисьталэ, кылдэс пинь сьӧрады возе. Али тӥледлы, востэмгес улыса, умойгес луоз.

Кисло-кусло. Шугъясь-кытӥсь ужпумез ас поннады вормыны эн тырше. Визь-кенеш куре специалистлэсь. Вытъёсын, коньдон ужпумъёсын бызьылэ арня кутсконын. Ортчемзэ эн бугыръялэ. Бадӟым проектъёс борды али эн кутске. Тӥледлы вожъяськисьёс тросгес луозы.

Лев. Улонады лыктӥсь воштӥсь-конъёсты но шуг-секытъёсты эгесаны уд быгатэ, соин сэрен сюлэмшугды йылоз. Арня шорын мылкыдды тупатскоз, тӥледын соглаш луэмзэс вералозы тросэз. Ӟеч иворъёс шумпоттозы. Матысь адямиосыныды керетэмын ке, тупатскон понна нырысь вамыш лэсьтыны ӵапак дырыз.

Нылмурт. Азьвыл чыры-пырыос таяз арняе шугъяськытӥсь ужпумлы пӧрмозы. Соин сэрен мылкыдды пильмаськоз, урод сямды кыре потоз. Матысьёсты сое ас вылазы шӧдозы. Коньдон ужпумъёсты но уз шумпоттэ, уксёды али чакламлэсь трос кошкоз, нош уждундэс кема витёно на.

Весъёс. Таяз арняе выль тодматсконъёс но паймымон учыръёс трос луозы. Огъёсыз зол шумпоттозы, мукетъёсыз мылкыддэс куашкатозы. Сямъёсты, огдышем улонды, эшъяськон шоры учконъёсты чутрак воштӥськыны быгатозы. Адямиосын лякытгес вераськыны тыршемды мултэс уз луы.

Скорпион. Нырысь интые потозы матысь адямиеныды кусыпъёсты. Тӥ вискы кин ке куинетӥез чуртнаськоз. Соин сэрен мылкыдды но яратонды тэшканы быгатозы. Таяз арняе тӥ огнады трос уд лэсьтэ, нош ӵош ужась эшъёсыныды валче тыршиды ке, вормонды бадӟым луоз. Коньдонлы уд ёрме.

Ыбылӥськись. Та нуналъёсы эшъёстылы юрттэмды потоз. Уж дурады ваньмыз капчиен мынэ. Гажан муртэныды кусыпъёсты валантэмесь солы но, тӥледлы но. Средае, котькуд кылдэс чакласа, вераське. Тазалыктэс эскерыны ветлэ арня пумын. Эн вералэ сое, мае уд тодӥське.

Сюро кеч. Шӧдтэк шорысь луэм учыръёс улондэс устогес, шулдыргес но тунсыкогес карозы. Удалтон ачиз дорады лыктэ, синйылтэ но кырме сое ас кияды. Арня кутсконын чорыг эн сие, нош средае выль ужъёс борды эн кутске. Коньдондэс умой чоталэ. Маке басьтэмдылэсь азьло умой малпаське: кулэ-а со тӥледлы али.

Ву кисьтась. Умой вакыт выль адямиосын пумиськылыны но эшъяськыны. Мылкыдды ӟеч, лушкем малпанъёсты быдэсмозы, творчестводы азинскоз. Тӥледлы нош ик визь-кенешен юрттоз кышномурт. Арня пумын кин ке выль адямиен тодматскоз, со эш яке кузпал луыны быгатоз, кин ке улон интызэ воштоз яке дуно кузьым басьтоз.

Чорыгъёс. Тӥледыз витё пуш дуннедэс, мылкыддэс бугыртӥсь умой учыръёс. Тӥ мукетъёссэ асьтэлэн малпанъёсыныды черлатыны быгатоды, отысь пайда поттоды. Азьвыл керетонэз тодады вайытыны вырисьёсын эн вераське. Литература, эктон, эмъян удысын тыршисьёслы удалтоз арня пумын.

Удмурт Дунне
By Удмурт Дунне Февраль 22, 2013 14:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<