Вордско-вордско шыпыт чуръёс…

Удмурт Дунне
By Удмурт Дунне 22 января, 2013 12:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вордско-вордско шыпыт чуръёс…

shilyaeva

Д. Шиляева чуръёсыныз тодматэ Кузебай Гердлы сӥзем кылбур лыдӟонъёсын

Паймоно кадь: выжыезъя ӟуч нылаш Дарья Шиляева удмурт кылын шатыр! поттыса вераськем гинэ ӧвӧл, кылбуръёс но гожъяны кутскиз ни. Кемалась ик ӧвӧл солэн «Шыпырты» нырысетӥ бичетэз потӥз. Отчы пыриз 14 аресъем нылашлэн 33 кылбурез.

— Удмурт кылэз дышетон борды ӧй басьтӥськысал ке, кылбураны ӧй но кутскысал, — мылкыдзэ кисьтэ егит кылбурчи. — Угось удмурт кылын вераськыны кутски но, малпанъёсы но удмурт луизы — валаса ик ӧй вутты кылбур чуръёслэсь йырам берганы кутскемзэс. Нырысь-валысь, котькуд егит нылашез сямен, монэ тунсыкъяськытӥз яратон сярысь тема. Ма, туннэ нуналлы но со мон понна валтӥсез луэ. Но азьлоеныз ӵошатыса, берлоосыз кылбуръёсы муресьгес пӧрмо ни кадь потэ. Малпаськыны кутски улон сярысь но. Школаын дышетскем тетрадьёсме учкиды ке, берпуметӥ бамъёсысьтыз кылбур чуръёсме синйылтоды. Озьы дышетскон вискам малпанъёсы кылдо, сюлэмме бугыръяло, — шуэ Даша.

Дарьялэн «Шыпырты» бичетаз удмурт но, ӟуч но кылбуръёсыз пыризы. Но тросгес удмуртъёсыз. Кызьы пусъе Дарья, удмурт кылтэк со табере улыны уз быгаты ни. Соинтэк-а аслаз мылкыдызъя вамыштӥз Ижысь К. Герд нимо гимназие — удмурт кылэз дышетыны, эшъёс шедьтыны но удмурт ужрадъёсы пыриськыны.

— Кылбуръёсыным бичетме поттыны мылкыдме бурдъяз яратоно дышетӥсе, гимназиысь «Уморто» медиа-центрлэн кивалтӥсез Ольга Анатольевна Ведрова-Петрова, — азьланьтэ Даша. — Нош бичетлэсь вылбамзэ суредаз гимназиысь ик матысь эше Настя Королёва. Озьы дэмен книга поттыны пӧрмытӥмы.

Елена Никитина

Дарья Шиляева

Укно

Укно… Укно… Укно…
Укно сьӧрын — ӵуж тыл.
Оло отын куно?
Оло ӵыжа сюсьтыл?

Оло кин ке пуке,
Ӵошен ӟыгырскыса?
Оло кин ке учке
Кулэм пизэ бӧрдса?

Оло кин ке эштэк —
Юэ курыт арак?
Оло умме усьтэк
Кылле шудтэм Вара?

Котькудаз укноын
Аслаз тылыз пиштэ…
Кинлэсь меда отын
Со тыл шудзэ шунтэ?

Укно… Укно… Укно…
Укно сьӧрын — ӵуж тыл.
Оло отын куно?
Оло ӵыжа сюсьтыл?

Шыпырты…

Шыпырты пелям
яратэмдэ
Ошмес ву музэн…
Ӝипты лэзёнтэм бордад,
Ыркыт тӧл сямен
Ӟыгырты монэ, чупалляса
Пӧсь ымдуръёсыныд!
Курисько, туннэ юн яраты!
Толлоез кылёз мед тонэныд!

* * *
Мур малпанэ тонъя —
дэри гинэ,
Нош вераме —
жуг-жаг сямен тӧлӟе.
Нош мар тонъя зэмос
яратэме?
Мар-о тонъя — лулы,
гажан, данэ?

Ымдэ усьтӥд но
паймыса кылид,
Сыӵе кылъёс тыныд
верам бере.
Зол паймытӥ, вылды, тонэ.
Кема ик учкыса сылӥд берме.
Нош тон кожад,
пичи пинал сямен,
Асме буйгатыса,
бӧрдо азяд?
Вот тумошо! Кема мон серекъяй!
Вазьылэмдэ но кылытэк кыли…
Нош тон каллен пуксид но мылкыдтэк верад:
— Эх, янгышай…

Мед огшоры…
Потэ синмаськеме…
Шораз учкылыкум,
мед шокамысь дугдо…
Нош куараез мед
чингыли мыным
потоз…
Мед мон бӧрдо…
Нош со, дорам
лыктылыса, синкылиме ӵушоз…
Мед со луоз!
Чебер кылтэк,
сяськаостэк.
Мед огшоры.
Мыным озьы но яралоз!

Эн гуньды!
Эн гуньды!
Тонтэк луи шудо!!!
Вӧзам нылпиосы.
Картэ мыло-кыдо.
Мон бакчаям тонтэк
Будэтӥсько сугон.
Ӧч карыса тонэ сюдо!
Голькыт медаз пот вал  улон!

Удмурт Дунне
By Удмурт Дунне 22 января, 2013 12:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<