Песянайлы синпелет сярысь кенешизы

Удмурт Дунне
By Удмурт Дунне 16 января, 2013 18:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Песянайлы синпелет сярысь кенешизы

pesyanayТуннэ Лулчеберетъя, печатья но ивортодэтъя министерствоын люкаськиз Ижын Песянайлы синпелет пуктонъя комиссия.

Александр Волков Президентлэсь Удмуртиын Песянайлэсь нуналзэ пусъён сярысь Указзэ быдэстыса, Песянайлы синпелет кылдытонъя проектъёсын конкурс ортчоз.

Конкурсъя комиссилэн кенешаз кивалтӥсьёс, архитекторъёс, скульпторъёс, тодосчиос но творческой огазеяськонъёслэн ёзчиоссы пыриськизы. Ваньзы соос огкылэ вуизы: выль синпелет бадӟым луыны кулэ ӧвӧл, бордысьтыз одно ик шуныт мылкыд мед лыктоз.

Лулчеберетъя министерствоын пусйизы, инъетлы удмурт калык дэремен песянайлэсь образзэ басьтыны кулэ. Синпелет песянаез но солэсь нунокъёссэ огазеяны быгатоз. Солы инты пумысен но трос ӵектонъёс вал. Ижлэн валтӥсь архитекторез Владимир Зырянов кӧня ке вариант дэмлаз. Комиссие пыриськисьёс Ялан ӝуась тыл дорысь сквер но Гогольлэн бульварез борды дугдӥзы. Верамын вал, умойгес ик 2-тӥ вариант: вӧзысьтыз Мунё театр выльдэмын, синпелетэз пуктыны инты вань, шутэтскон понна площадкаос но тупатыны, ужрадъёс но ортчытыны луоз.

Синпелетлэн проектэзлы конкурс эрико луоз. Отчы Удмуртиысь улӥсьёс, озьы ик палэнысь ӧнерчиос но пыриськыны быгатозы. Конкурслэн условиосыз вуоно толэзьлэн кутсконаз Лулчеберетъя, печатья но ивортодэтъя  министерстволэн сайтаз поттэмын луозы. Конкурс чаклам дыре ортчиз ке, синпелетэз усьтыны быгатозы Песянайлэсь нуналзэ пусъён дыръя — 26-тӥ мае. Кылем арын ӵапак та нуналэ «Брангуртысь песянайёс» коллектив «Евровидение» конкурсэ пыриськизы но 2-тӥ инты басьтӥзы.

Туспуктэмез: Удмурт Элькунлэн Президентэзлэн пресс-службаез

Удмурт Дунне
By Удмурт Дунне 16 января, 2013 18:15