Шаерысьтымы городъёс азинскозы

Удмурт Дунне
By Удмурт Дунне 23 января, 2013 10:06

Шаерысьтымы городъёс азинскозы

sarapulКызьы пусъё экономистъёс, Россилэн «висись» интыез — моногородъёс. Отын уноез улӥсьёс тыршо городазы ик интыяськем одӥг-кык заводъёсын: предприятилы заказъёс вуэмысь дугдо ке, уждунтэк курадӟе быдэс город.

Соин ик соос туж кулэясько федерал центрлэн юрттэтэзлы: заказъёс шедьтон но, уксё висъян ласянь но. Статистика возьматэ: Россиын соос радэ пыртыны луоз 332 пала городъёсты. Котькудаз улӥсез 10 сюрс муртлэсь ятыргес, нош ваньзэ-ӧвӧлзэ 16 миллион адями люкаське.

Азьвыл аръёсы соослы юрттэт сётон рос-прос радъямын ӧй вал. Али Россилэн Правительствоез басьтӥськиз «Россиысь моногородъёс» федерал программаез быдэстон борды. Со улсын пӧртэм улосъёсысь моногородъёслы субсидия висъяське отчы интыяськем производствоез ӝутон понна.

Шумпотымон: та программае шедизы республикаысьтымы но куинь городъёс — Воткинск, Сарапул но Глазов.
— Шаерысьтымы моногородъёслы висъяськись субсидилэн быдӟалаез шумпоттэ, — вераз республикаысьтымы Экономикая министр Михаил Зайцев. — Кылсярысь, Воткинск городлы федерал бюджетысь чакламын 580 миллион манет висъяны, Глазовлы но Сарапуллы — быдэн 2 миллиард. Со сяна, та городъёсты азинтонлы юрттэт висъяськоз республикамылэн кисыысьтыз но.

Глазовын но Воткинскын ужтэк пукисьёслэн лыдзы бадӟым ӧвӧл, отысь заводъёсы заказъёс вуо, калык уждун басьтэ. Секытгес югдур Сарапулын — ужтэк пукисьёслэн лыдзы берло аръёсы йылӥз, заводъёсын дырын-дырын шуг-секытъёс кылдыло. Экономикая министр буйгатӥз: кылдытэмын луозы та городэз азинтӥсь бадӟым проектъёс.

Елена Никитина

Удмурт Дунне
By Удмурт Дунне 23 января, 2013 10:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<