Сэзь егитъёс

Удмурт Дунне
By Удмурт Дунне Январь 9, 2013 17:09

Сэзь егитъёс

Та нуналъёсы Ижысь А. Демидов нимо спорткомплексын кужымзэс мертало Россиысь 17-18 аресъем биатлонистъёс. Средае соос спринтын бызьылӥзы, нош туннэ — нимаз.

Ӵошатсконэ вуэмын 16 улосысь 76 пиос но 46 нылъёс. Нырысетӥ нуналаз асьме спортсменъёслы туж удалтӥз, тужгес но пиослы. Ыбылӥськонын одӥг пол янгышаса, нырысетӥ но куинетӥ интые потӥзы Ижысь Дмитрий Шамаев но Денис Вдовин. Кыкетӥ луиз Новосибирскысь Максим Таевой. Удмуртиысь мукетыз спортсмен Максим Макаров кык пол янгышаз но ньылетӥ интые кылиз. Нылъёс пӧлын вормисе потӥзы Тюменьысь но Красноярск улосысь нылъёс. Шарканысь Юлия Широбокова 6-тӥ луиз.

— Спортсменъёс кужмогес мед луозы шуыса, шаерысьтымы вань тренеръёс огазеяськизы, — шуэ Дималэн но Максимлэн тренерзы Руслан Лопатин. — Ог-огмылы дэмланъёс сётъямы, куасъёсты зыраны юрттылӥмы. Талэсь азьло Удмуртиысь пиос Уфа но Екатеринбург городъёсын бызьылӥзы. Асьме егитъёсмы отын но пьедесталэ шедьылӥзы.

Руслан Валерьевич ужа Ижысь нылпи творчествоя юртын. Та вакытэ отчы ветло 9-18 аресъем пиналъёс. Тирын ыбылӥсько, бассейнын уяло, нош куасэн бызьыло Киров паркын. Спортын вормон басьтэмъёссэ биатлонъя школае, пе, выжтӥсько.

Удмуртиын ортчем ӵошатсконын вормисе потэм спортсменъёслы сюрес усьтӥськоз Европаысь 17-19 аресъемъёслэн тол фестивалязы пыриськыны. Со ортчоз Румыниысь Брашов городын. Оскем потэ, Россиысь пиналъёслэн сборноязы асьме пиосмы но шедёзы.

Валентина Емельянова

Туспуктэмез: sportur.ru

Удмурт Дунне
By Удмурт Дунне Январь 9, 2013 17:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<